闭上眼看电影
2016-02-15

香港盲人辅导会在2009年引入口述影像服务∶在电影播放期间,口述员会在对白跟对白之间,加入旁白,把视障人士睇唔到的画面用声音勾勒出来。



闭上眼看电影

口述影像员Clara说,要说明到剧情发展,又不要干扰到电影内容,秘诀系做足功课。∶「真系要好多预备工夫架,尽量都唔想、扎住佢啲对白啦;或者音响都唔 想架,因为我都想啲视障朋友成套戏嘅戏氛,因为音响都影响到个戏氛架。照我自己嘅经验,大嘅会用七十至八十个钟罗准备一套嘅口述影像。」

在外国,口述影像的应用十分普及。很多文娱机构即使不是播电影,不论是文学类、甚至是平面展览,只要是有画面的活动,就会有口述影像员支援。她们的做法是在 观众报到时,会询问他们需不需要耳机。口述影像员会透过耳机叙述表演内容,这样的做法,除了为保障残疾人权利,还是为让参与者有选择,例如∶有些参与者当 时精神不佳,那可能会需要这项服务。

香港盲人辅导会项目统筹周小文指,及至2015年嘅12月底,该会已经举办了198场次电影口述影像电影导赏会,而参加嘅人次亦都已经达到过万一万零四百。

无论系Clara 定系小文,努力坚持做好口述影像的电影导赏服务,都只因相信,看电影,是每个人的基本权利。

残疾人权利公约第三十条∶
缔约国确认残疾人有权在与其他人平等的基础上参与文化生活,并应当采取一切适当措施,确保残疾人:获得以无障碍模式提供的电视节目、电影、戏剧和其他文化活动。

散场后,我们找了左两位视障人士倾下计,包括有好深戏瘾的明哥∶

「我呢之前系开眼人来丫嘛,由于交通意外都失明左都四十年,以前就未盲之前就经常睇影啦,无论西片又好,本地嘅邵氏制作嘅电影都好啦。由于失明左之后冇睇左几 廿年,盲人扶导会又重新做返口述影像呢个服务嘅时候呢,咁我又再睇返重拾以前嘅兴趣,咁呀个嘅感受系好大嘅,好大嘅冲击」

(最钟意系哪一套电影呀?)

「《五个小孩的校长丫》,好感动呀,可以亲自去戏院个音响又好,个剧情又好好感动,咁全场都好感动,好多人都喊,流眼泪咁样,(咁你自己有冇流……)
都有呀都有呀,哈哈哈哈,成包纸巾都用晒呀」

和明哥唔同视障人士Simon「睇」戏除左系为娱乐,更是为了认识一个佢从未见过的世界∶

「我系从细到大都睇唔到,咁细个好多时睇周星驰电影呀,可能有啲位置有啲场景转左,可能又讲讲下突然呢对人又讲到去另一到,我问屋企人『而家讲到边架』,屋企人好多时会答你『你睇落去咪知罗』,咁变左其实你就本来好有心机去睇嘅,都变左慢慢唔知做紧乜」

「我觉得电视或者电影是令我接触这个世界的另一种途径,口述影像令令到我地认识呢个世界嘅机会加深左罗,教我地用另一个角度去欣赏呢个世界。」

(最钟意系哪一套电影呀?)

「我最深刻嘅系两套电影,其中一套就系《那一天我们会飞》,口述影像员的声线好带动到我啦, 例如「凤芝攞起苏博文送俾佢嘅奖杯,感动到流泪」咁样咁先算啦,咁你就明白啊!当时原来当时博文好暗恋佢嘅,只不过系奖杯底写左啲字,到到十几年后凤芝回 到学校才知道。你会明白啊原来爱情唔系平时所讲嘅剩系肉肉麻麻,喊苦喊忽嘅,原来里面咁深嘅层意嘅咁样罗。」

新一年,佢地初十又有新戏睇啦,但问到佢地有咩新年愿望,却仍离不开睇多点
好戏呢个心愿∶「其实我就贪心啲嘅,我就直情上套套野都有口述影像嘅,姐系唔需要我地去拣你明唔明呀?拣系对于我地权利来讲一种剥夺罗。
下次看电影时候,如果你能够尝试闭上双眼,在无光的世界中感受一下,你听到的,除了是电影的台词,会否还会有一班视障人士渴求「睇戏的心声」?

制作:高福慧

 


【自由风自由 Phone】

香港电台第一台FM92.6 - 94.4

星期一至五 17:00-20:00

主持:陈燕萍、区家麟、冯德雄

评论员∶张韵琪、狄志远、王蕙芬、张楚勇

监制:陈燕萍

制作团队:唐伟杰、黄晓玲、高福慧、林咏雯、王磊

专题分类:特备制作
发表评论

最新专题