【中国点点点──闲话粤语#13】古老歇后语 你识几多个?
2017-02-03

粤语咁引人入胜,其中一个原因,系有好多地道俚语,或者系讲上半句,你就会明下半句嘅歇后语,通常人本地人先会有共鸣。香港城市大学中文及历史学系教授程美宝喺《闲话粤语》再次攞返1828年出版嘅《广东省土话字汇》,记载咗当时嘅歇后语。



有部分到今日大家都重会听到嘅,而且好多都系负面添。例如「劏心肝佢食,都当你狗肺」,意思就系指你帮助嘅人唔领情。另一句少啲人讲,但老一辈都可能用过嚟闹人,所谓「人老花残无药医」。

今日我哋所讲嘅一啲句子,原来本身都属于歇后语嘅一部分,例如「有麝自然香」,下一句系「唔在当风扬」,全句就系指如果一个人有才能,唔需要迎合潮流、招摇过市。

另一句励志嘅歇后语,就系「拼死拼发疯,系事都做通」,「拼」字发音类似「潘」嘅第五声。

鸡年将至,程美宝重介绍多一句同鸡有关嘅歇后语,但都而家已经绝少人会听过、讲过,就系「大瓮打泻油,鸡肠捋膏煎」,其实系批评紧一啲人做大事时粗心大意,会打泻油,但系对细节就好执着、好孤寒,斤斤计较,大家记住喺新一年唔好变成咁嘅人啦!

 


中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、唐伟杰、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法、领导点点菜

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题