【中国点点点──闲话粤语#15】老鼠田螺亚婆裙 古歇后语听到晕
2017-02-10

之前连续两星期,同大家介绍咗有关鸡嘅歇后语同俗语,古时广东人嘅创意同智慧又点只于此?今次程美宝教授就喺《广东省土话字汇》搵嚟以各种动物、亲友做主角嘅俗语,你又睇吓认识几多个?



首先介绍一啲有关动物嘅。今日我哋重会听到有老人家讲嘅「老鼠拉屐钉」,屐钉对老鼠嚟讲,又唔食得,又无意义,其实就系话紧啲人成日做埋啲徒劳无功嘅嘢。

嚟紧两个有关海产,第一个系「系嗰吓田螺,食嗰吓泥」,系比喻紧啲人应该知道自己喺边个位置,做适当嘅嘢。第二个同古时嘅大富人家有关,「明知蚝壳墙,佢偏要撼埋去」,以前广东一带有钱人嘅大宅,外墙都会用好多蚝壳砌成一堵墙,除咗为美观,亦因为可以令间屋散热更加好,更加清凉。有蚝壳墙,仍要撼埋去,意思就系明知好危险都仍要做,劝啲人唔好做乜嘢都不顾一切。

跟住就到以人为主角嘅歇后语,同大家揭开上面幅图嘅谜底,原来「火烧亚婆裙」,下一句系「各人顾各人」,意思系比喻人嘅凉薄,即使火烧到老人家嘅裙,大家都只系自己顾自己。

以下呢句就比较凉薄,「老公死,老公生,禾虫过造就恨唔翻」,唔理自己老公、最亲嘅人嘅死活,只顾眼前利益,就系呢啲人。

细听呢啲俗语,不得不佩服创作佢哋嘅人,就会发觉全部都系以生活嘅小场景、片段去做比喻,带出深意。重有边啲歇后语呢,大家快啲听吓程美宝教授介绍。

 


中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、唐伟杰、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题