【中国点点点──闲话粤语#19】抵死缠绵唱粤讴
2017-03-10

先前嗰两集,程美宝教授教咗大家音阶化嘅粤语九声,以及粤曲所用嘅歌谱「工尺谱」,感受到讲粤语人口当中,浓厚嘅歌乐传统。程教授就话,熟练咗「工尺谱」之后,如果想为粤曲或流行曲谱写歌词就变得简单。



一般而言,写词都离不开两种情况,就系「先曲后词」,或者「先词后曲」。

「先曲后词」比较容易填到顺耳嘅歌词出嚟。但若果系「先词后曲」,就要用「问字攞腔」呢个方法,用音乐配合返文字嘅声调。例如「香港电台」,工尺谱显示系「工尺士合」,简谱音系「3、2、低6、低5」,如果用咗唔啱声调嘅音乐,就容易闹出笑话。

咁呢份歌乐传统系几时开始嘅呢?程美宝教授搵返之前我哋钻研过,喺明末清初「岭南三大家」之一嘅屈大均,所编写嘅《广东新语》(1700年版本) 。

书里面记载,喺明代嘅广东人已经好钟意将粤语化成歌曲……

 

「粤俗好歌,凡有吉庆,必唱歌以为欢乐。」

意思就系唱歌系广东人钟情嘅集俗,凡有喜庆宴会,佢哋必定会唱歌庆祝。

 

「其歌也,辞不必全雅,平仄不必全叶。以俚言土音衬贴之。唱一句,或延半刻,曼节长声,自回自复,不肯一往而尽。」

呢度就系指当时嘅人唱歌,唔需要太计较平仄、文雅嘅问题,用俚语、土话都照样可以出口成歌,而且佢哋更会唱到唔想停,特登拉长啲音节。

 

至于例子,就要留待程教授喺下回分解。


中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、唐伟杰、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题