【中国点点点──闲话粤语#20】长篇动听摸鱼歌
2017-03-17

上星期嘅《闲话粤语》,讲到几百年前嘅广东人已经有深厚嘅歌乐传统,喜欢喺喜庆时唱粤歌,其实唱歌又点会止于喜庆场合?

香港城市大学中文及历史学系教授程美宝就提到,明末清初时流行一种「摸鱼歌」,更由此衍生卖唱行业。



程美宝提到,根据屈大均编写嘅《广东新语》,当时嘅「摸鱼歌」可以好长,从以下呢句可知一二:「其歌之长调者……至数百言、千言,以三弦合之。」歌词可以上千字,以三弦琴伴奏。

咁喺几时唱呢?「妇女岁时聚会,则使瞽师唱之。」程美宝话,意思系指妇女喺一啲定期聚会,可能会自己唱,而多数时候会邀请「瞽师」嚟唱。「瞽师」就系当时嘅卖唱人,而佢哋大多数系失明人士,因歌艺精湛而形成一种行业。

而当时亦有一啲粤歌会经口耳相传,喺民间成为流行嘅乐韵。《广东新语》提及,唔少女士唱呢啲歌比较上口:「女子天机所触,虽未尝目接,诗书亦解,白口唱和,自然合韵。」意思就系指,唔少女性都比较有天资,唔需要睇住曲谱、歌词,就识得唱,「白口唱和,自然合韵」,清唱就可以唱出一首好歌。

呢一啲歌曲传统上一般系口耳相传,但逐渐有人希望记录落嚟,所以就写下一本本以文字编成嘅「木鱼书」,例如著名嘅清代民间故事《梁天来告御状》,喺近代曾被翻拍成电影同电视剧。粤乐嘅传统,就以各种不同方式,流传后世。

 


 

中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、唐伟杰、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题