【中国点点点──闲话粤语#22】上花艇 听南音
2017-03-31

喺上一集,程美宝教授为大家开金口,示范咗著名嘅地水南音歌曲《客途秋恨》嘅起式,听过教授动听演译,今集《闲话粤语》,我哋就去探索一下,究竟最早系几时开始有人唱南音?



之前我哋提及过,南音大概系清朝中叶出现,到二十世纪初达到高峰。

香港城市大学中文及历史学系教授程美宝表示,有关南音嘅文字记录,比较早可以追溯到一位文人──谢兰生喺嘉庆廿五年 (公元1820年) 所写嘅日记《常惺惺斋日记》。谢兰生写低自己到珠江荔湾,上咗一首花艇 (下图所示),喺风花雪月嘅同时,更重要嘅系喺艇上边赏月色,边听南音,佢仲写到当时会「请客食鱼生兼听南音」,一窥当时广州人嘅赏乐文化。

以下三张图画都系当时嘅花艇:

1. 荷兰莱顿民族学博物馆藏品(19世纪)

 

2. 明信片 (网上图片)

 

3. 1908年广州出版的《时事画报》

 

回顾呢几集介绍过嘅曲种,先有「摸鱼歌」、「龙舟」,再有「南音」。程美宝教授话,早前几集提过嘅「粤讴」,其实就系喺十九世纪中段「南音」兴起后,出现嘅一种新式粤语曲种。教授指出,当时有唔少外省文人,移居到广州生活,佢哋听开嘅音乐,往往系「秦腔」、「梆子」、「昆曲」,呢啲用外地语言唱嘅歌曲,与广东音乐曲风不同,自然对广东人本身流行嘅音乐造成变化,逐渐演变出用粤语唱嘅「粤讴」。而根据《常惺惺斋日记》,「粤讴」也是在珠江花艇上,由歌姬演唱。

 


中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、唐伟杰、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题