【中国点点点──闲话粤语#32】清末商家要「知机」
2017-06-09

上星期提及过1905年发生嘅「拒约运动」,当时喺广州、上海等大城市,有商会、工会中人喺民间发起抵制美货行动,抗议美国要求清政府签订条约延续排华法案。拒约未成,却反被清政府镇压。

虽然「拒约运动」商家都有份发起,但其实佢哋自身都有好复杂嘅商业考量……



程美宝教授今集就演绎咗喺1905年10月7日嘅《有所谓报》记载嘅粤讴,睇吓当时嘅商家点样喺半推半就嘅情况吓参与「拒约运动」。

 

《中秋饼》

中秋饼,委实系行时。

佢要用油糖面粉,边一个唔知。

制造虽出自唐人,材料有来自异地。

睇吓饼皮面粉,就系货办花旗。

 

中秋月饼嘅面粉,正正就系来自「花旗大国」美国,而美国面粉,就系「拒约」嘅重点对象,难怪商家都觉得无奈。

 

近日传播抵制嘅风声,何处不是?

我哋饼行用货,总要知机。

若系照旧日咁样做来,销售恐怕不易。

齐声指摘美货,我就无乜言词。

嗰阵月饼仲系合时,亦怕到会唔发市。

人人上咗抵制嘅瘾,冇药能医。

 

我索性把美面丢埋帮衬别处。

或者用回土货,更觉相宜。

自古话世界想捞,须要随吓众意。

 

唉!唔系小事,为国来争气。

呢阵我哋饼行唔用美面咯,不愧爱国男儿。

 

喺呢种民族同仇敌忾嘅气氛之下,商家都心中叹气一句「总要知机」,暂时唔好用美国面粉,否则畀民众知道,可能自己嘅货,就成为被针对攻击嘅对象,所以「世界想捞,须要随吓众意」。可见当时嘅粤讴唔只系一面倒表达一种立场,亦都会顾虑到社会上唔同嘅声音,为民发声。

 


中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、唐伟杰、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法、领导点点菜

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题