【中国点点点──闲话粤语#35】粤语神曲(清末版)
2017-06-30

上集提到1906年,广东爆发「粤路风潮」,正式形成官民对立嘅格局。当时广东政府拘捕民众嘅代表黎国廉入狱,激起众愤。

当时嘅新闻纸已经成为民众嘅发声平台,佢哋会点样用歌词抒发不满呢?

 



程美宝教授就喺《时事画报》搵到以下呢首粤讴,呼吁官府唔好「有恃无恐」,以为拘捕咗一个大绅,民众就会因此就范,反而因为黎国廉本身就系有功名嘅人,令官府埋下革命嘅伏线,因为触动绅商嘅利益。

 

《唔好咁恃》 作者:隐谙

唔好咁恃。呢阵知错唔曾。

你记否冒夜汹汹,咁就去捉大绅。

究竟大绅何罪,想你亦心难问。

不过为热中邀宠啫,故此咁频「仑」。

 

你睇吓南令几咁参详,唔肯同你咁混沌。

故此谤无人分,只系罪在你身。

你想学避弋嘅飞鸿,天外翩奋。

总系宦海惊潮,渡亦不能。

今日参肉恩脔,人所共愤。

 

唉!真正系笨,触犯绅商恨。

你莫不是豺狼成性呀,兽类同羣。

 

喺歌词入面,会见到一个词语「频『口仑』」,『口仑』嘅读音同「能」类似,呢个词语就系当时形容「心急」、「惊慌」嘅用语,时至今日都仍有人会讲。亦会见到「混沌」 (音:温炖),就系指「愚蠢」嘅意思。

从以上用字,可以见到当时官府系靠拉黎国廉虚张声势,事实上可能系惊到失去方寸。

睇见呢啲新闻字,一首首粤讴既押韵又入脑,而且「我口唱我心」,可能比起任何粤语神曲,更加容易引起民众共鸣。

 


中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、王 磊、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法、领导点点菜

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题