【中国点点点──闲话粤语#39】中文堂教你做家务
2017-07-28

上集提到喺民初时期,广东一带嘅学校都逐步跟随新式文化,教授学生中文,形成一套真正嘅用广东话教嘅「母语教育」。

听完上集,大家有冇去尝试搵返细个第一本中文堂课本呢?今集,程美宝教授继续同大家回忆。



澳门广播界前辈梁送风唔只记得「细时好」呢篇课文,仲有一篇将德育融入中文课嘅短文,佢都印象深刻。

「早起身,下床去,

先洒水,后扫地,

开窗门,抹枱椅。」

──出自《妇孺三四五字书》

 

程美宝教授话,喺1940年左右,梁送风大概七、八岁,喺番禺乡下嘅「卜卜斋」读书,但系,梁送风唔钟意,皆因「卜卜斋」由八股文老师教,经常打学生手掌,学生一郁就会被打头。

于是,年纪轻轻嘅梁送风决定逃学!返到屋企,佢嘅妈妈觉得奇怪,就问佢发生啲咩事,梁送风照本宣科,妈妈就决定带佢去乡村新式学堂读书。话明新式学堂,聘任嘅老师都唔再系日日读八股文,而系一位曾经喺广州省城读书嘅老师,佢学成后,愿意还乡推广一啲比较新式嘅中文教育。上面嗰篇短课文,就系新式教育嘅产物。

虽然叫做「新式教育」,但系课文形式都保留传统元素。

喺古代嘅私塾,中文课本主要系由「三百千」组成,亦即《三字经》、《百家姓》、《千字文》。亦有另一种讲法,系「三四五」字经嘅书,就系所谓《三字经》、《四书》、《五经》。新旧融合,形成一种易记入脑嘅粤语教育。

 


中国点点点星期一至五 下午三点至四点半

编导:张凤萍

监制:叶冠霖

【中国点点点】张凤萍、黄晓玲、王 磊、刘锐绍、郑汉良、吕秉权主持。每日话题由中国政情、至网络热话、旅游、生活、阅读,让听众轻轻松松,每天对祖国知多一点点。

常设环节

星期一:最紧要识法、领导点点菜

星期二:对谈中国

星期三:中国讨论区;同声同气谈天说地

星期四:点点评论;阅读中国

星期五:漫游中国;闲话粤语

专题分类:中国热话
发表评论

最新专题