【热爱与坚持】

香港本地篮球员吴委峻，无论场内场外，都以坚定嘅信念迎接每一个挑战。佢深信，篮球唔单止系一场比赛，更系一种自我证明：「篮球可以证明我自己，打破其他人对我嘅质疑。」面对质疑同挑战，佢选择用行动回应，以热爱同坚持走出属于自己嘅篮球路。

2023年，吴委峻代表中国香港踏上东亚运动会嘅舞台，对战各地强队。「代表港队出赛一直系我嘅梦想，可以累积比赛经验，见识唔同打法，令我更加努力去追赶其他球员。」佢坦言，希望未来能够挑战更高层次嘅对手，希望有一日可以打赢国家队、中华台北队！」

篮球路上面对无数挑战——生活压力、伤患风险，甚至要放弃许多东西，但佢深信：「克服困难，会成就更坚强更好嘅自己。」每一次嘅挣扎同坚持，都系对热爱嘅证明：「要真系热爱呢个运动，先可以令自己坚持落去。」

面对外界嘅质疑同唔信任，无论系网上、朋友，甚至屋企人，都有人质疑佢嘅选择，叫佢放弃打波专注读书。但我系一个倔强嘅人，越多人觉得我唔得，我就越要证明俾佢哋睇！佢选择用行动去证明：「我会用表现打破佢哋嘅质疑。」而背后默默支持佢嘅家人、朋友同球迷，更令佢唔想辜负大家对佢嘅期望，坚持向前。

「如果你哋真系钟意篮球，唔好轻易放弃，要认真对待。」吴委峻鼓励年轻球员，不论遇到多少困难，坚持系唯一嘅出路：「目标要放得远大，唔好怕人笑，坚持落去，你哋一定得！」

期待委峻未来在球场上继续突破自己，为香港篮球写下更精彩的篇章！

相关文章：港香港金牛队明星球员
相关文章：香港金牛篮球队制霸NBL历程及重要球员介绍，从无到有的奇迹！