【赤脚踢街波长大】

身穿9号球衣、现年28岁嘅基哥利（Rocha Mendes Da Silva Gregory）来自巴西。自小热爱足球，细细个已经赤脚喺街头踢波嘅佢，喺2013年展开职业足球生涯。对于足球，佢以「生命」一词嚟形容：「足球系我嘅生命，同时亦系我实现梦想嘅途径。」透过足球，基哥利令家人过上更幸福嘅生活，无咩比起呢样嘢令佢更满足。

对神嘅信仰同家庭支撑住佢一路走来，佢明白成功路上嘅唔容易，但就算遇到挑战，佢永远坚持向前：「我清楚知道自己想要啲咩，同埋可以行到去边度。」问起足球生涯中最难忘嘅时刻，佢嘅回答系：「而家呢一刻。」喺今个港超球季，基哥利获得八场比赛八个入球嘅佳绩，并当选港超联「8、9月最佳球员」，毫无疑问会成为佢足球生涯其中一个值得纪念嘅成就，佢亦希望未来可以继续帮球会赢得更多胜利。

对于年轻一代球员，基哥利勉励大家：「永远唔好放弃自己嘅梦想！记住你哋有能力实现一切，只要努力、坚持，并相信自己！」

相关文章：港超联2024/25赛季最精彩的煞科战，理文、大埔兵分两路争冠军！细数历届港超联最标志性赛事
相关文章：当足球成为职业赛事：你不可不知的港超联背景、历史故事及影响
相关文章：叶鸿辉：「足球已经系我生活中不可分离嘅一部分！」
相关文章：陈嘉豪：「每一个成功嘅扑救，驱使着我对足球坚持嘅热情。」
相关文章：颜卓彬：「面对挑战，系对足球嘅热爱令我一直坚持。」
相关文章：陈肇钧：「足球嘅竞争性改变咗我整个人生。」