【足球成就了今天的我】

踢波对于效力杰志嘅颜卓彬（彬仔）嚟讲，唔止系职业同热爱，更加系一个探索世界、扩阔视野嘅机会。「由细细个开始，因为足球我多咗好多机会去唔同国家去踢比赛，同时见识多咗好多。」能够喺不同国家嘅球场上接触到各种文化，认识唔同嘅人，呢种体验为彬仔嘅人生带嚟好多挑战同成长：「冇足球，今日嘅我可能会有好大唔同。」

面对挑战，系对足球嘅热爱令彬仔一直坚持：「主要系我真系好钟意踢波！」佢深明做职业足球员唔会永远都一帆风顺，一定会有脚风唔好嘅时候，但佢都好感激有一班一齐由细踢到大嘅队友陪伴同支持自己。被问到足球生涯中最难忘嘅时刻，彬仔就表示系上年球季足总杯决赛代表深水埗对东方：「其实自己大大小小嘅决赛都踢过，但呢个足总杯决赛系第一个真系由自己第一圈踢到嚟最后一场决赛。」虽然最后加时输咗三比二，但佢依然好庆幸可以成为呢场比赛入面嘅其中一员。

对于年轻球员，彬仔寄语：「我觉得一定唔可以轻言放弃，因为职业同青年联赛系有分别，所以绝大部份由青年队升上职业队嘅球员初头都可能会好有挫败感。我觉得如果你可以系一个职业球队入边，不妨向身边有经验嘅球员学习。」

相关文章：港超联2024/25赛季最精彩的煞科战，理文、大埔兵分两路争冠军！细数历届港超联最标志性赛事
相关文章：当足球成为职业赛事：你不可不知的港超联背景、历史故事及影响
相关文章：叶鸿辉：「足球已经系我生活中不可分离嘅一部分！」
相关文章：陈嘉豪：「每一个成功嘅扑救，驱使着我对足球坚持嘅热情。」
相关文章：基哥利：「足球系我生命嘅意义。」
相关文章：陈肇钧：「足球嘅竞争性改变咗我整个人生。」