【足球令我更专注自己】

作为理文门将嘅陈嘉豪，经常喺一场又一场嘅赛事中力挽狂澜。细细个就喺街场踢波嘅嘉豪，由于年纪最细成日被指派守龙，自此踏上守门员之路，喺每场比赛中把守最后一关。对于足球，嘉豪咁样形容：「足球令我更专注自己，喺训练同比赛当中可以令我抛开烦恼，完全投入享受其中嘅乐趣。」

每一场比赛中，面对唔同挑战，嘉豪需要时刻保持集中，作出迅速而准确嘅判断，而佢亦透过每次比赛所累积嘅经验不断成长：「每当成功扑救，都会令我充满成功同满足感，亦系令我坚持落去嘅热情所在。」回忆起23/24球季，他随理文喺香港超级足球联赛中夺冠，系佢职业生涯中一个重要的里程碑：「球队上下整季都保持稳定性，攞到联赛冠军系大家努力嘅成果，亦系我喺职业生涯中一手一脚完成嘅联赛冠军。」

对于年轻球员，佢希望大家能够珍惜每一个上场嘅机会：「每一个出场机会都系好难得，要好好把握，唔好等失去机会后先后悔。」

相关文章：港超联2024/25赛季最精彩的煞科战，理文、大埔兵分两路争冠军！细数历届港超联最标志性赛事
相关文章：当足球成为职业赛事：你不可不知的港超联背景、历史故事及影响
相关文章：叶鸿辉：「足球已经系我生活中不可分离嘅一部分！」
相关文章：颜卓彬：「面对挑战，系对足球嘅热爱令我一直坚持。」
相关文章：基哥利：「足球系我生命嘅意义。」
相关文章：陈肇钧：「足球嘅竞争性改变咗我整个人生。」