【壁球是建立自信的来源】

香港壁球运动员何家晞，五岁嗰阵因为爸爸带佢同细佬去玩，就开始接触壁球。由兴趣变成信念，由球场变成舞台：「壁球是我自信，亦是我与家人情感的桥梁。」疫情期间无波打嘅时候，佢仍坚持自主训练，慢慢发现：「我真系好钟意打壁球，亦希望将佢变成自己嘅职业。」

「今年四月，我攞到转为职业运动员三年生涯以嚟嘅第一个职业赛冠军！」讲起呢场比赛，佢仲记得当时激动到到喊咗出嚟：「嗰场比赛对我嚟讲系一场好大嘅鼓舞，都系令我有继续走下去动力。」

讲到最艰难嘅训练：「一定系体能训练，尤其系休赛期嗰阵嘅暑期训练。仲记得一两年前同成班队友一齐跑无数次城门河，跑到皮肤好似都白唔返，就令我好惊！」但每次完成训练后嘅成功感，成为佢坚持落去嘅动力来源。

未来路仍然清晰：「我最近想挑战下一个职业巡回赛冠军，同时突破世界排名头100。」希望可以逐步喺国际赛舞台上有属于自己嘅位置。」

面对后生一辈，佢一句讲晒：「做运动员系真系辛苦㗎，但我都唔会咁快畀你哋追过我，所以一齐努力啦！」

相关文章：梁子轩：「壁球是我人生启蒙老师。」
相关文章：何子乐：「尽管曾经跌倒，但每次都能重新站起。」
相关文章：邓铭漮：「壁球代表我嘅人生。」
相关文章：黄祉谦：「壁球填满了我经历的每一页。」
相关文章：刘子均：壁球是我的人生导师。