【用意志突破界限】

人生有无一样嘢，系你一接触就唔想放低？对香港壁球运动员梁子轩嚟讲：「壁球是我人生启蒙老师。」由细个为咗减肥而打波，最后一路打入港青，再踏上职业之路。

「杭州第19届亚运会攞到两面铜牌，分别系团体赛同个人赛嘅铜牌，亦系我第一次喺亚运呢个国际舞台夺得嘅第一面个人奖牌。」喺众多亚洲顶尖选手之中突围而出，对佢嚟讲唔单止系一份荣耀，更加系对多年努力最好嘅肯定。

原以为成绩会一路向上，但转职业后一年多，子轩发现自己对热敏感，只要天气一热就起风癞，无办法继续比赛同训练：「已经同咗教练讲打算退役，但正值嗰年亚运，因为唔甘心，想试埋亚运先。」结果佢喺第18届亚运会赢咗银牌，之后积极接受治疗，学识点样同敏感共存，令佢更加珍惜每一日打壁球嘅日子。

「2028年奥运首次加入壁球项目，我好想系我壁球生涯踏上这个舞台。」呢个梦，佢正一步步准备，等机会嚟嘅时候，可以全力出击。

「每日都做最好的自己，机会系留俾有准备的人。」一句简单却实在嘅鼓励，送畀所有追梦嘅年轻运动员。

相关文章：何家晞：「壁球是我自信，亦是我与家人情感的桥梁。」
相关文章：何子乐：「尽管曾经跌倒，但每次都能重新站起。」
相关文章：邓铭漮：「壁球代表我嘅人生。」
相关文章：黄祉谦：「壁球填满了我经历的每一页。」
相关文章：刘子均：壁球是我的人生导师。