【球场内外的磨练】

香港壁球运动员黄祉谦，一直喺球场上用坚毅、汗水同信念，打出属于自己嘅故事。对佢嚟讲，壁球唔只系一项运动，更加系佢成长嘅缩影：「壁球填满咗我经历嘅每一页，无论朋友、目标、成长，都彷佛与壁球有关。」

中学时期，黄祉谦发现自己对壁球训练特别专注，亦开始比起其他嘢更认真。呢份专注，慢慢将佢推向职业运动员嘅道路，从此人生同壁球紧紧扣连。

「喺杭州亚运，首次增设混双项目，我同拍档嘉儿夺得铜牌，呢一刻真系最深刻。」比赛背后，其实经历咗比想像中更多嘅波折，但正正因为咁，呢面铜牌对佢嚟讲更加有重量。

专业运动员嘅路从来唔容易，有时候最难接受嘅唔系体能训练，而系心理关口：「好多时练习感觉良好但出去外地比赛成绩会有落差，失败果一刻会感到非常挫败。」近年，佢开始见心理治疗师，学识专注自己嘅表现多于输赢，接受比赛只有一个赢家：「有时只系当日对手发挥得更好。」

「香港冠军同亚运金牌」，系佢近年最想达成嘅两个大目标。无论喺本地定国际舞台，佢都希望能够再突破自己，攞到属于香港同自己嘅荣耀。

「年轻时我经常被称天份不足同只会靠体能打壁球，但只要订立到确实目标同努力不懈去追梦。只要你够投入去打壁球，一定会有改变。」呢份坚持，正正就系佢一路走落去嘅最大动力。

由专注、挫败到突破，黄祉谦嘅壁球人生，系一段用汗水同信念写成嘅故事。支持香港运动员，一齐见证佢哋嘅下一页

相关文章：梁子轩：「壁球是我人生启蒙老师。」
相关文章：何家晞：「壁球是我自信，亦是我与家人情感的桥梁。」
相关文章：何子乐：「尽管曾经跌倒，但每次都能重新站起。」
相关文章：邓铭漮：「壁球代表我嘅人生。」
相关文章：刘子均：壁球是我的人生导师。