【跨越障碍．挑战极限】
对好多人嚟讲，「障碍」系阻碍，但对障碍竞技运动员黄敏婷嚟讲，障碍反而成为佢生活中最重要嘅部分。每日起身、训练、见朋友、教学生——全部都离唔开障碍竞技运动，已经唔只系兴趣，而系佢人生嘅节奏。

最初只系朋友喺网上睇到影片，自己设计咗啲障碍物，叫敏婷帮手试玩。谁知一试就上瘾，越玩越觉得有挑战性。2019年佢胆粗粗参加人生第一次海外OCR比赛，原本只系想见识下，结果喺赛场上见到世界各地运动员嘅实力，感觉自己表现不是很好。嗰一刻，佢决心日后投放更多时间去提升运动表现，做得更好。

喺第二次出战日本障碍竞技运动 Obstacle Course Race (OCR) 100米障碍赛之前，佢同教练定下目标：要比上次快10秒以上。几个月嘅密集训练、改善动作：「最后除了能代表香港在赛事中赢到冠军外，也达成自己及教练的最终目标。」

作为香港少数专业障碍竞技运动员，每星期几乎无休息咁训练——攀爬、速度、健身、斜路跑样样有。但最难唔系体能，而系环境，香港只有一个场地，而且楼底矮、无户外设施提供训练，无法模拟OCR 100米障碍比赛环境。要练足全程赛道，只能自费飞海外。即使条件有限，佢仍然坚持珍惜每一次外出练习和比赛的机会。

最近夺得「20至39岁女子组别世界赛冠军」，敏婷未来目标希望能晋升到世界女子精英组，让更多香港人认识及支持障碍竞技运动。面对平均十五至廿岁嘅对手，31岁嘅佢笑言：「自己起步迟，但我相信努力可以追上。」只要有心，任何年纪都可以突破极限。

「障碍竞技运动，本身就系要一关关跨过去。失败次数往往比成功的次数更多，但只要你相信自己，唔放弃出席每次每一次练习，总会有目标达成的一天。」

从第一次玩到今日成为世界冠军，黄敏婷用实际行动证明——所谓「障碍」，从来唔系阻挡你，而系成就你。