【沉迷于挑战自己】

对于当选应届「四料香港足球先生」嘅港足中场陈肇钧（Philip）嚟讲，足球，绝对唔止系一项运动。「我觉得足球系一种能够凝聚人心嘅力量。」足球嘅魅力在于其高度竞争性，无论系喺球场上争夺入球，定系喺看台上呐喊助威，都能够带俾参与者一种独特嘅激动同快感。「作为职业球员，激烈嘅竞争性改变咗我嘅人生，同时影响住我嘅人生态度，要无时无刻装备好自己。」

自2011年回港展开职业生涯之后，Philip先后转过9个球会，挑战自己嘅脚步从不懈怠：「我对挑战自己呢件事好沉迷，一直会谂点样再去进步，每日都想更上一层楼。有时辛苦过后见到成绩，嗰种满足同成就感，真系无嘢比得上。」被问到足球生涯中最难忘嘅时刻，Philip 表示近年赢到「香港足球先生」，对佢嚟讲意义重大：「呢份荣誉唔单止系一种认同，更重要系我放低咗好多自己俾自己嘅压力。」

由「少爷仔」到「足球先生」，Philip一路走来，绝不容易。佢坚信唯有唔放弃，先可以一路成长：「希望所有年轻的运动员都能坚持自己嘅理想，唔好因为少少阻滞就放弃。如果发现自己嘅路唔啱，记住要尽早搵解决方法，因为时间系最珍贵嘅资源。」

相关文章：港超联2024/25赛季最精彩的煞科战，理文、大埔兵分两路争冠军！细数历届港超联最标志性赛事
相关文章：当足球成为职业赛事：你不可不知的港超联背景、历史故事及影响
相关文章：叶鸿辉：「足球已经系我生活中不可分离嘅一部分！」
相关文章：陈嘉豪：「每一个成功嘅扑救，驱使着我对足球坚持嘅热情。」
相关文章：颜卓彬：「面对挑战，系对足球嘅热爱令我一直坚持。」
相关文章：基哥利：「足球系我生命嘅意义。」