叶耀邦：「篮球唔单止系一项运动，而系丰富我生命嘅礼物。 」
【篮球系我嘅生命】
25岁嘅香港篮球员叶耀邦，主打前锋，现时效力香港甲一篮球联赛球队南华，以无限嘅热情同坚持，喺篮球场上全力追寻梦想。对佢嚟讲，篮球唔单止系一项运动，而系一个充满挑战同满足嘅旅程：「篮球唔单止系一项运动，而系丰富我生命嘅礼物，佢畀咗好多嘢我，包括成长、挑战自己嘅机会，同埋无穷嘅动力。」
（图片来源：受访者提供）叶耀邦表示，每次代表中国香港队出外比赛，都系佢篮球生涯中最难忘嘅时刻：「能够以香港队身份，喺国际赛场上同世界各地嘅球队对战，系我细个以嚟嘅梦想。」
对于场内外嘅挑战，叶耀邦分享：「我一直坚持，因为我想进步，亦好享受篮球带比我嘅挑战同满足感。」佢嘅执着精神，激励住每一位篮球爱好者。
（图片来源：受访者提供）面对怀抱篮球梦嘅年轻一代，叶耀邦勉励：「希望大家唔好轻易放弃，相信自己一定做到。只要努力同坚持，你一定能够实现属于自己嘅篮球梦。」
叶耀邦用行动向大家展示，篮球不仅限于比赛中，更系一个成长同圆梦嘅旅程。期待佢未来喺球场上继续创造属于香港篮球嘅精彩篇章！
相关文章：梁嘉显：「篮球改变了我的一生。」
