田北俊承认中联办有称赞自由党「做得好」
2015-06-18

政改议案表决期间30多名建制派议员离席。自由党荣誉主席田北俊在【自由风自由Phone】承认,中联办有称赞自由党议员「做得好」,亦指中联办「亦搞唔清点解佢哋(离席议员)走哂」。

 

田北俊指,今日原来计划五时投票,但建制派领导忽然改为十二时半,「自由党都比佢搞到乱哂大龙,咪坐喺度投票罗!」他指,自由党一直希望支持方案,一定会投赞成票。「我都系建制派有自己主意,由头到尾都冇话过会离场,点知你会流会啫?」

被问及有没有建制派怪责自由党留在议会,田北俊指「叫人走嗰几个罗,我依家怪责佢哋呀,边个叫佢哋揸主意㗎,我哋建制派有主席㗎咩?」他亦指在建制议员离席时,whatsapp群组亦无通知,「冇人知咩事,理由又唔讲,出到去先知原来系要等刘皇发」。他亦质疑为何要等待刘皇发,「横掂都过唔到,如果田北俊迟咗啲嚟,你会唔会等埋田北俊?」

对于有三位身兼行政会议成员的议员离席,田北俊指应由有关议员自己解释,表决历史记录上没有离席议员的名字,「佢哋有排向市民解释」。

 


【自由风自由 Phone】

星期一至五黄昏五至八  1872 311 始终如一

主持:陈燕萍、区家麟
评论员∶叶健民、黄均瑜、李律仁、关焯照

监制:陈燕萍
制作团队:唐伟杰、黄雯娟、梁仲礼

专题分类:政制改革
发表评论

最新专题