退役警员评旺角骚乱警方处理
2016-02-12

两位退役警员致电《自由风自由Phone》,评论旺角骚乱当晚,警员向天开枪等处理是否恰当。

 



退役警员罗先生评旺角骚乱警方处理 退役警员邱先生评旺角骚乱警方处理

罗先生曾为军装警员,有30多年差龄。

罗先生指,这几年恶化的警民关系及警员声望下降应归咎于曾伟雄。他观乎自己警队朋友在社交群组疯传拨火言论及影片,但「唔谂下点解搞到今时今日地步。」

「平时工作上积埋唔少怨气,例如比人闹告车、查身份证,当呀sir落order话我哋打得既,我哋梗系尽情发泄啦。打开咗手收唔到。」但罗生亦指,警员不思考 为何情况如此,「系因为曾伟雄上咗嚟之后,好多嘢系唔公正吖嘛。锁咗人哋重要打人,警司级已经系打颈。我哋睇到好心噏,点解警队会搞成咁既呢。」

在社交群组,警员朋友将卢伟聪改名为「无谓冲」或「no way聪」,因他们认为卢伟聪「软弱、唔够硬,唔去撑佢哋去打。」而退休警司刘达强又在网上留言指卢伟聪不是「战将」,「咁咩叫战将啫?咪啫系主张去打 罗。」罗先生反问,「父母教仔女呀,郁啲就打,会有啲咩后果呢?」

罗先生亦指,警员角度往往认为「警权不容侵犯」,有「冲亲警察,游行示威就系扰乱公安」的主观观念,加上平时的怨气,「呀Sir话打就顺便投射埋落行动上面,整整下个个就群情汹涌,跃跃欲试去磨拳擦掌架啦,呢个好悲哀呀真系。」
对于当晚有警员掟砖对示威者还击,罗先生直言处理不当,但一切发生于电光火石间,在自身安全下「理智有时放埋一边」。

另外,他亦指当晚有警员向天鸣枪做法不当,警例有明确列明警员不能向天开枪,因亦有可能造成死伤。
那警员当晚是否失去自制力?罗先生直言「唔止当晚」:你见一开始喺砵兰街就已经扑头,你睇youtube睇到好多占中时候既片都睇到。」他亦指,不是所有警员都会如此处理,但主观角度上会认为冲击警察就是不对,是搞事。

他续指,警员「唔知道呢个社会发生咩事」,例于自己巡逻时和同侪路过爱港之声 高达斌于西洋菜街的街站,「同佢讲又唔知呢个系高达斌,又唔知呢个系689,可知佢哋既常识、对社会既留意程度有几多呢?成日倾开都话,个社会好差咩?佢 哋唔知道梁振英做事就系要分裂香港社会。」

 

邱先生曾有31年差龄。

邱先生指,除非开枪是为了保护同僚,否则不可胡乱开枪。不是怕开枪,因只是「依法执法」,但「最惊系新闻界舆论压力压迫我哋警察..做到开枪警察畀人摆上枱,要告佢谋杀」,所以有规定,「如果拔枪,一定要向住目标打,不能向天开枪。」

他亦指,警例和警察教官都向警员表明不能向天开枪,「但你拔枪之后一定要向对方发出口号,警告过佢,佢再重犯或警告无效时,一开枪就保护他人、保护自己,所 以尽量唔好开枪。」但他亦指向天开枪合理,「做法绝对啱」,「你想一个人死,定想佢唔死呢?」但对于当晚警员或违反警例,邱先生指,「警察通例就唔讲合理 既。要讲返当时心情嗰样嘢,你自己点做法。」

但他续指,卢伟聪应支持该名开枪警员,但批评他「口口声声话睇片段,都唔撑呢个伙记,我都唔知几嬲。以前个曾伟雄系撑到足架。唔撑呢个伙记,啫系想个伙记死。」

邱先生认为,警方当晚使用的武力不足够。对于有警员以掟砖还击,他说「(示威者)攞砖头掟我呀嘛,咁我唔通走过去同佢打咩?佢远距离架嘛。」他又指当晚应放 催泪弹,但认为在雨伞运动后,可能上级有给予下属压力,不可使用催泪弹,「所以我哋既伙记鹌鹑咁既样,系咁比人掟、叭喺度比人打。」

 


【自由风自由 Phone】

香港电台第一台FM92.6 - 94.4

星期一至五 17:00-20:00

主持:陈燕萍、区家麟、冯德雄

评论员∶张韵琪、狄志远、王蕙芬、张楚勇

监制:陈燕萍

制作团队:唐伟杰、黄晓玲、高福慧、林咏雯、王磊

专题分类:新闻热话
发表评论

最新专题