蔡国威:如新投资者有现金 为何不解决欠薪问题?
2016-03-04

亚视股东召开记者会,股东代表何子慧即场展示一箧声称总值500万元的千元钞票及一张500万元支票。

前亚视艺员蔡国威在《自由风自由Phone》直斥做法「好荒谬」:「我觉得有一箧银纸,唔理有几多钱喺里面,咁有咩作用呢?你系想表达咩呢?你净系想攞箧钱出嚟话你好有钱,但如果你有钱既话,点解你唔解决所有欠薪问题,而系show出嚟话『我有钱』。」

 

同场的刘锡贤则言,属「闹剧一场」:如果真系一个有良心既雇主...呢啲情况(金钱)绝绝对对应该要畀咗啲员工先,而唔系话好似依家咁,show完比你睇,然后重要好笑咁话『就放返入夹万』。何子慧小姐讲呢句说话时,绝对系ridiculous呀大佬。」

亚视新投资者司荣彬持有的中国文化传媒早前指,希望能在四月一日,即亚视牌照到期前举办亚洲小姐竞选。刘锡贤指,初时内部有续办亚姐竞选的想法,「当时大家重有雄心壮志,希望可以完成呢个历史责任。但随住叶家宝一月离职,呢个谂法已经冇哂架啦。」他说,亚姐竞选现时「有少少烂尾」,因本来在二月中已完成所有赛事,但因为发生现时的风波,现在已全部取消。他指出,现时没有人重提将呢个旗帜再举起,以此为一个结束,「唉,依家所有人都已经解散哂啦,你重搵咩人同你搞呢?」

蔡国威则说「只可以冷笑一声」,因当初负责竞选的总监亦已使用10A条例离职,「嗱你总监都可以搵人嚟替啦,cameraman、lighting、收音,边个帮你做呢?好啦,就算呢啲帮你做到好,你边样可以recruit返所有既女仔同你去选呢?啲海外佳丽,你点样负责返佢既住宿机票呢?我真系想像唔到一句『你想四月一号搞』你点搞,你话系咪好可笑呢。」


【自由风自由 Phone】

香港电台第一台FM92.6 - 94.4

星期一至五 17:00-20:00

主持:陈燕萍、区家麟、冯德雄

评论员∶张韵琪、狄志远、王蕙芬、张楚勇

监制:陈燕萍

制作团队:唐伟杰、黄晓玲、高福慧、林咏雯、王磊

专题分类:新闻热话
发表评论

最新专题