侯志强、林伟强为组党风波解画(足本片段)
2016-04-07

上水乡事委员会主席侯志强牵头成立「新进步联盟」,称希望乡事派自行组党可为乡绅发声。昨日27个新界乡委会,其中15个乡委会的代表召开记招,表明反对有人用乡议局名义组党,侯志强与其他声称「自发到场」的乡绅「踩场」示威。侯志强与乡议局副主席林伟强今早出席《千禧年代》节目,讨论乡事之间的分歧,第二节电话访问带领召开记招的沙田乡事委员会主席莫锦贵,与侯志强隔空对质。

即睇节目足本片段:

讨论精华:

1. 昨日记招变成对质,是否代表乡事派分裂?

侯志强:冇分裂,寻日系沟通。我组党系我侯志强嘅事,与乡议局无关。

莫锦贵:寻日系一个沟通咩?我一讲嘢就俾人闹,又俾人嘘,其他人仲边度够胆讲呢?如果唔系用乡议局名义就冇事啦。如果对乡议局有伤害嘅话我哋一定出声。

林伟强:既然佢哋而家冰释前嫌咗,都系一件好事。

2. 为何林伟强昨日出席记招?

林伟强:系因为收到15个乡委会主席邀请,认为有责任要出席,出席是希望能够聆听各方意见,对侯志强组党没有抱持立场,只要不抵触《乡议局条例》(本港法例第1097章) 有关禁止以乡议局组党的条文就可以。亦要考虑组党或影响与其他政党关系。

侯志强:其实唔系今日听到强哥咁讲架啦,如果唔系得到佢哋啲祝福,我唔会咁大胆去做啦。

3. 发叔是否知情?

林伟强:比较少同佢联络,佢屋企人希望我哋尽量唔好骚扰佢。未联佢有关新进联嘅事。

侯志强:约一个月前探过发叔,当时问过佢支唔支持组党,但佢㗋咙痛讲唔到嘢,我就问佢如果支持就捏一下我只手,唔支持就放手,佢捏咗好几下。

 

相关内容:

【千禧年代@20160407】侯志强:发哥,我哋搞党,你支唔支持?

【发叔加持?】侯志强喺《千禧年代》话,请示过发叔支唔支持自己组党,但当时发叔喉咙唔舒服,有口难言。侯志强灵机一触,建议发叔若支持组党,就捏紧他手。结果系点?#RTHK #香港电台 #香港电台公共事务组 #侯志强 #刘皇发 #乡议局 #新进步联盟 #组党风云====================================================立即赞好「#香港电台公共事务组专页」,并设定为「抢先看」(See First)!

Posted by RTHK 香港电台公共事务组 on Wednesday, 6 April 2016

【千禧年代】

香港电台第一台FM92.6 星期一至五 08:00-10:00

监制:林嘉瑜
环节:刘善茗、郭芷珊、司徒博文

【千禧年代】叶冠霖主持,鼓励听众作有观点、有理据的意见交流,藉此带出更多新观点、新意见、新态度。
透过时事速递,每日早晨为广大听众提供最新资讯以迎接新的一天。

专题分类:新闻热话
发表评论

最新专题