【立法会主席争夺战】有意角逐者的自白
2016-09-26

新一届立法会会期将于十月开始,新民党田北辰、谢伟俊及经民联梁君彦等皆表示,有意出任主席一职。田北辰及谢伟俊在《自由风自由Phone》详述自己相比其他有意角逐者的优胜之处,以及是否取得中联办支持。



自己有何优点? 获中联办支持? 若最后多于一名建制打算参选 自己会否退选?

问:「相比其他有意角逐者,自己有何优点?」

  • 田北辰:「我做全国人大代表,都第八年啦。我喺小组会议,张德江都见过三次啦。我又唔觉得我同中央冇沟通渠道啦。特首办更系啦,司长呀、特首呀,我随时都有机会见啦。讲到建制泛民关系,我要承认,我同建制、泛民都唔叫好熟既老友记,但我觉得同两边关系唔系差、有计倾,亦唔会比人觉得系偏颇,喺裁决方面绝对系有优胜地方。(经验同议事规则?)我唔系律师,但之前两届主席都唔系律师吖。」
  • 谢伟俊:「我既优胜系我缺点多啲,因为我既缺点就系『不群不党』。第二,当然我都系第三届议员。喺立法会资历讲,第一、第二(届)可能太浅,但第三、第四都开始资深。第三,无可否认我系大律师、律师出身,一向关注议事规则或操作。第四,就系性格上,究竟边啲人比较勤力啲、钟意聆听啲、会包容啲、或容易倾计啲,咁我谂大家都可以从我哋过去表现作一个判断。」

 

问:「中联办有否联络及给予支持?」

  • 田北辰:「我有同佢接触过,系因为佢想嚟摸底。我话佢知我绝对有兴趣,我亦觉得系为香港大局着想,香港优良传统系应该直选议员做既。OK? 咁我听唔到有负面声音。」
  • 谢伟俊:「一方面有机会沟通过,但同时亦未去到阶段性,究竟最后情况点样。当然香港人的事,特别立法会主席选举,都系香港人作最后决定。咁呢个系有参考价值,但唔系一个最终决定。(中联办反应正面吗?)两样都有,担心亦有。有朋友认为多啲选择系好事,但另一方面亦有担心会否鹬蚌相争,所以搞到好多混乱。」

 

问:「若最后仍有多于一名建制打算参选 自己会否退选?」

  • 田北辰:「建制如果去到最后出多过一个,一定会影响成个大局,绝对唔系我想见既。」「我唔会觉得到最后三个建制派会出啦,始终到最后一刻,我哋都会坐低协调既。」
  • 谢伟俊:「以我性格,当然我唔希望喺一个冇把握情况下夹硬要大家冒好大风险,以我咁多年历练、经验、知道几时应该冒进、几时应务实。或者我受过既教训太多,所以都知几时要作出适当平衡。」

 

另外,田北辰表示,若自己当选立法会主席,没有可能继续兼任港区人大,「时间问题都不容许可啦,系咪?」

 


 


【自由风自由 Phone】

香港电台第一台FM92.6 - 94.4

星期一至五 17:00-20:00

主持:陈燕萍、区家麟、冯德雄

评论员∶徐家健、李兆富、何泺生、任建峰、张楚勇

监制:陈燕萍

制作团队:唐伟杰、黄晓玲、林咏雯、王磊

专题分类:新闻热话
发表评论

最新专题