【#自由风自由Phone】议员关注年长职业司机健康监管
2025-08-13
目前70岁或以上的司机在续牌时需提交体格证明，检查内容包括体重指标(BMI)及脂肪比例等，近日一宗严重车祸引起社会关注年长职业司机健康监管要求是否足够。立法会交通事务委员会委员陈恒镔在《自由风自由Phone》表示以往交通事务委员会上亦曾进行有关讨论。陈恒镔提到当时有共识要加强体检内容，而政府亦有建议作较深入的检查「譬如佢嘅反应，睇睇会唔会有脑退化嘅迹象，有无夜盲症等等。」
对于检测形式，陈恒镔建议参考内地做法，用电脑测试。「嗰啲测试好具体，睇吓有无色盲啦；睇吓睇唔睇到嘢；睇到某啲嘢要揿掣、要停车咁样，就好似模拟紧你揸车，之后同你计分‥‥如果你喺有出现嗰啲嘢，你又冇睇到又冇反应呢，咁你变成唔合格，就续唔到牌 。」他认为这些做法都可考虑，不过亦要参考有关系统的适应与局限。
除了身体检查，部份地方有为商用车司机设强制退休年龄，社会有讨论香港需否考虑。陈恒镔认为社会要更多时间讨论，「针无两头利，如果你话要限制年长司机唔可以开营运车或者唔可以开某类车，咁可能喺嗰啲行业，佢嘅人力会出现短缺。」他亦提到有意见认为应优先考虑司机的健康状况而非年龄，「有部份觉得人力资源系应该要使用嘅，只要佢健康，佢应该咩都做得，喺呢度有好大嘅分野；另外就系体检嘅内容，点样先为之足够呢‥‥详细嘅检查内容系啲咩，我相信都会系其中一啲我哋要去拿捏嘅要点。」
香港电台第一台FM92.6 - 94.4
星期一至五 17:00-20:00
主持：陆宇光、陈燕萍、梁家永、李家文、李文、杨立门、戴希立、林致茵、何钜业、潘永祥、林云峯、何建宗、苏伟文
监制：萧洛汶
专题分类：新闻热话
