李乐诗博士 Dr. Rebecca Lee Lok Sze

极地科学工作者

2017-08-18

上星期同大家分享过芬兰试行紧「基本收入」嘅福利政策，政策究竟会令失业嘅人安于现状，还是鼓励到佢地积极去搵工呢？结果系点仲要等多两年先知…… 不过啱啱获选为宜居城市第九位嘅芬兰赫尔辛基，喺今年秋季又有新尝试，打算启动一项自动驾驶汽车试验。届时，自动驾驶嘅巴士将会喺马路上行驶，仲会接载乘客。

呢种小型巴士可以接载 12位乘客，车速只会系 7 英里 / 小时，即系大约11公里/小时。喺试验过程中，车上会有司机，以防出现紧急状况。而未来，佢将会系全自动驾驶。而目前，呢款自动驾驶巴士面临嘅挑战之一，就系佢行驶嘅速度慢，而且非常谨慎，所以其他有人驾驶嘅车就可以好容易爬佢头。

虽然自动驾驶嘅巴士行得慢，但佢地可以按需要载客，唔洗遵循传统巴士嘅固定路线，行程上弹性大D。长远而言，如果技术发展得更好，又有全面配套嘅话，系可以令公共交通变得更便捷。

有机会去芬兰游学嘅朋友，迟D可以体验一下坐呢种自动驾驶嘅巴士。而以下落黎呢位嘉宾去过芬兰做交换生，虽然未必可以话你知坐自动驾驶巴士系咩滋味，但系喺森林寄宿嘅感觉，佢就可以话你知。即刻将时间交俾李乐诗博士同MiuMiu夏妙然同今晚嘅嘉宾蔡惠娴同学倾下佢喺芬兰游学嘅体会！

(照片由被访者提供)

在森林寄宿究竟是什么滋味呢？