一方水土养一方人，由香港艺术发展局策动嘅展览 《一方水土》，参展艺术家包括朱德华、麦显扬、倪鹭露、陈家俊、杨东龙、黄丽贞及曾家伟，汇聚不同艺术领域嘅作品，包括油画、摄影、雕塑及装置艺术，展现本地艺术家独特嘅视角与艺术实践。

策展过程有咩难忘事？展场里面最贴合主题嘅作品系边个？点样以研究角度去做创作？策展人兼摄影艺术家朱德华Almond、艺术家黄丽贞Fiona 话你知。

艺术带出无限可能，共融艺术系列「艺想大世界」，介绍匡智会点样帮助学员，启发佢哋嘅创作天份。松艺廊导师徐芷君Josephine话学员姚巧文Coco嘅陶瓷创作羊羊有咩特别嘅地方？匡智会赛马会匡智新翠工场导师林瑞容Emil会介绍卷纸创作技艺，而学员罗俊文、林杨会分享点解咁钟意呢种创作方式。

对文化艺术有兴趣嘅你，记住唔好错过喇！