油画艺术家Jonas Ng深受野兽派及表现主义影响，创作出用色大胆嘅画作。Jonas 由学画嘅故事讲起，再分享当初点样受野兽派呢种独特嘅创作风格影响，继而发展出标志性手法去绘画女性肖像画。创作以外，Jonas亦有涉足艺术教育，佢会讲到难忘嘅教学经历。究竟艺术点样影响生命？

小剧场呢种剧场模式，启发戏曲发展出新方向。西九文化区表演艺术主管 (戏曲) 钟珍珍谈及小剧场呢个新戏种喺粤剧嘅孕育过程，亦会介绍小剧场戏曲节2024嘅五个节目。点解当中有两个《霸王别姬》嘅制作？而川剧版《霸王别姬》点样展现艺术交流嘅重要性？