曾经有生态学家嘅研究发现，雀鸟确实懂择木而栖。上一集《大自然之声》「大埔滘自然护理区特辑」带大家走入大埔滘自然护理区认识不同雀鸟，而今集将会认识雀鸟以及其他生物嘅「家」！

大埔滘自然护理区原本称为大埔滘植林区，呢个自然护理区面积达到四百六十公顷，而政府喺1977年将呢度划为特别地区，亦系香港首个特别地区。堪称全港最成熟嘅次生林大埔滘郊野公园里面，有由几十年前开始种植嘅人工林，区内树木有成一百几十种咁多，唔单止有上世纪二十年代开始种植嘅松树、白千层、红胶木，仲混杂左唔少本地树木，例如樟树、榕树、柯树等，针叶林同阔叶林交错生长。就系丰富多样嘅植物品种，令到呢度录得超过160种雀鸟外，生物多样性亦都极高，可以话大埔滘自然护理区系学习植物及自然知识嘅最佳地点。

香港大学生物科学学院首席讲师侯智恒博士早前率领《大自然之声》录音及制作团队一行七人，深入大埔滘采集自然环境声音及发掘里头嘅知识。点解大埔滘嘅原生林曾经被砍伐到几乎所余无几？白花鬼针草点解被列为其中一种「危害力最高的入侵植物」？边个喺叶片上面「鬼划符」？ 你又知道几多植物知识呢？