对体障人士嚟讲，「行行企企、走走趯趯」可能系一种挑战。社区文化发展中心CCCD自2013年起举办「触感艺术节」，打破一般艺术节以视觉为主嘅表达形式，使到欣赏同参与艺术，成为视障朋友嘅权利和机会，同时令大众更加了解视障人士嘅世界。

《第九届触感艺术节－触感漫游 展览II：走走趯趯》，继第一阶段展览「行行企企」之后，第二阶段走入北角油街实现嘅油街玻璃屋，为十位视障及健视艺术家提供一个平台，将佢哋嘅心声透过艺术同大众分享。CCCD节目统筹马颖汶Mandy 联同策展人黄嘉瀛，分享视障艺术家点样透过作品去留住回忆，唤起大家嘅笑脸、健视艺术家又点样透过创作走入视障人士嘅世界。

「剧场对话系列」继续请嚟 #香港话剧团 三位助理艺术总监 方俊杰、刘守正、邱廷辉，继续分享剧场人嘅二三事。刘守正点解会话将兴趣变成职业好幸福，但同时都好痛苦？对方俊杰影响至深嘅舞台作品又系边个？而邱廷辉因为工作而留下一个遗憾，到底发生咩事？

有兴趣嘅朋友，记住收听今集节目喇！