主持人：李秋婷
艺术、文化，蕴藏令生活更丰盛更美好的力量。逢星期六晚出版，一本听得到的艺文杂志，带来不同专题、人物访问以及最新的艺文资讯。
#香港电台文教组
南音呢香港非物质文化遗产，点样佢打入小朋友嘅世界？一桌两椅慈善基金举办南音剧场《小希的逍遥游》，阮兆辉教授联同音乐家伍卓贤，将儿歌同南音结合，配合曾慕雪创作嘅故事，带大家嚟一场互动亲子嘅旅程！整个剧主打唱住南音学唐诗，到底两者有乜嘢相似之处？辉哥同阿雪会话晒比你知！
十八世纪系中国宫廷艺术嘅高峰，由康熙末至嘉庆初年，宫廷主导制作大量艺术品，包括：瓷器、玉器、铜器、漆木器、文房用具、拓本、纺织品等等。香港中文大学文物馆策展人童宇，带大家深入「机暇宝笈：怀海堂藏赠乾隆文物」展场，了解当年嘅技艺及创作背后嘅故事！
ON THE OTHER EARTH异.地系全球首个以2600万像素360度立体全景后电影舞蹈体验，由香港浸会大学、香港芭蕾舞团及伦敦 Studio Wayne McGregor共同制作。到底作品系点样孕育出嚟？使用咗乜嘢技术？去年喺威尼斯及伦敦演出又乜嘢回响？香港芭蕾舞团巿场推广总监周怡ALEXIA 会话晒比你知。
艺术治疗系一种结合心理学与创意表达嘅专业心理治疗。喺艺想大世界邱焱Sophia 请嚟香港戏剧治疗师协会会长陈恺欣Step，同大家讲讲戏剧治疗。
