简介
主持人：李秋婷
|
|
文化艺术蕴藏令生活更丰盛更美好的力量。《艺文谷》— 这本逢星期六出版，由香港电台文教组制作的「艺文杂志」，每星期带来不同专题、人物访问，以及最新的艺文资讯。
电台收听 香港电台第二台，逢星期六晚上9:00至10:00播出。
Podcast 收听或订阅 https://podcast.rthk.hk/podcast/item.php?pid=1540&lang=zh-CN 浏览香港电台文教组「艺文一格」网页 |
最新
#259 「 香港话剧团2024-25剧季节目」/ 剧场空间舞台剧《金池塘》 / 艺闻全世界：「下一位奈良美智」日本雕塑家中村萌 / 艺在无穷：英国展览The Cult of Beauty / 梵高．乐印｜艺术@维港2024
一个完善嘅计划可以指引一众艺术人员向短、中、长期目标进发，对艺团嚟讲相当重要。唔知香港话剧团刚发布嘅 2024-25 剧季节目，点样平衡大众与小众口味，艺术与商业元素呢？而当中嘅演出又点样「解开生活密码 窥探真我秘密」？咁多个演出，边一个系因为《天下第一楼》而应运而生？香港话剧团艺术总监潘惠森及助理艺术总监方俊杰会话晒你知！
经典戏码《金池塘》曾经喺银幕及舞台被搬演多次，剧场空间将会带嚟嘅版本，又会加入乜嘢新元素？剧团嘅艺术创作总监、兼今次演出嘅翻译、导演、监制余振球会同大家分享。资深演员区嘉雯第一次演出呢个剧，但点解好多人都以为佢演过呢个作品嘅？而佢差唔多一年前已经问余振球攞晒中英文剧本，到底佢系点做准备？
有兴趣嘅朋友，记住唔好错过喇！
预告
#260 「一山烟雨」展览 /「圆明园 - 清代皇家园居文化」展览 / 艺闻全世界 ： 前田悠佑 - 艺在无穷：大英博物馆 非洲馆 / 理大中华文化节
常言道：人生有几个十年。十年对一个人嚟讲，有咩意义？画家兼网媒记者黄晓枫Apple希望透过最新个展《一山烟雨》，同十年前第一次举办个展嘅自己，作出少少对照及回应。今次嘅作品全部都系新作，当中有部份同十年前佢做过嘅一件事有关，到底系咩事？今次展览嘅名称、点题作品又同嗰件事有咩关连呢？
讲到清代皇家园林圆明园，大家一定会谂起十二兽首，甚至嗰段惨痛嘅历史，但除此之外，仲有乜嘢鲜为人知嘅故事？香港故宫文化博物馆馆长吴志华博士透露「圆明园 - 清代皇家园居文化」展览，有别于以往喺香港举办圆明园相关嘅展览，会较为全面而完整呈现圆明园嘅人与事。到底出入圆明园最常用嘅交通工具系乜嘢？乾隆皇点样过节庆？今日再睇呢啲同我哋相距甚远嘅人与事，又有乜嘢得着或反思？
有兴趣嘅朋友，记得准时收听节目喇！
重温
