简介
主持人：李秋婷
艺术、文化，蕴藏令生活更丰盛更美好的力量。逢星期六晚出版，一本听得到的艺文杂志，带来不同专题、人物访问以及最新的艺文资讯。
#香港电台文教组
#艺文一格 culture.rthk.hk
最新
#293 红球巡展香港 / 艺想大世界系列：杨小芳 (上) / 艺闻全世界：Red Ball Project / 艺在无穷：马德里普拉多博物馆 / 文艺创意产业发展蓝图 / 动戏大地艺术节 再翅飞飞 大型沉浸式剧场
最近有大型公共艺术装置访港！美国艺术家Kurt Perschke创作嘅红球计划 (Red Ball Project)已经成为咗「世上现存为期最长嘅街头艺术计划」。呢个红色波波由2004年至今已经游走超过40多个城巿，而第48站就系香港！由12月6号至15号期间，佢会「摄」入香港不同地方文化地标，打咭之余，佢仲等紧同大家互动！「红球巡展香港」计划顾问及建筑师胡灿森Roger会同大家解构公共艺术嘅意义，亦会介绍12月11号喺亚洲协会香港中心举行嘅艺术家座谈会。
九岁时因一场意外失去双臂嘅杨小芳，依家系一位艺术家，多年嚟佢嘅创作媒介由绘画、装置演变成行为艺术。「艺想大世界系列」小芳会分享佢接触艺术嘅契机，亦会讲到近年佢对身体嘅探索而创作嘅两个行为艺术作品。
有兴趣嘅朋友，一齐准时打开《艺文谷》呢本听得嘅艺术文化杂志吖！
重温
#292 自由舞2024 / Twinkle 新奇世界音乐会 / 艺闻全世界： 莫扎特新歌发布 / 沙头角嘉年华
主持人：李秋婷
「自由舞」系西九文化区管理局表演艺术处策动嘅大型舞蹈节。为庆祝自由空间五周年，今届「自由舞」带嚟本地及国际编舞家嘅前卫当代舞作品，冲击大众对时间、空间嘅固有概念，拓阔想像空间。西九高级表演艺术制作人(舞蹈)兼自由舞策展人郑焕美 Anna除咗会讲策动舞蹈节嘅理念及介绍节目外，亦会讲到佢认为本地当代舞嘅独特之处。
「虚拟音乐组合Twinkle」系一个结合真人及科技嘅虚拟偶像企划，「出道」一年后佢哋即将喺东九文化中心举行首个实体音乐会《Twinkle 新奇世界音乐会》，而且仲会联同爵士钢琴家张贝芝及佢嘅乐队同台演出，跨越虚拟、现实嘅界限。音乐总监伍卓贤、技术总监何鸿鿋Colby会由策动呢个计划开始讲起，再讲到人物设定、造型、音乐定位、音乐会技术挑战等等，佢哋亦会分享艺术创作同科技结合嘅感想。
有兴趣嘅朋友记住唔好错过喇！
