英语篇#64 Saving Money ; Go Dutch & All Greek to Me

- 澳洲广播公司有篇文章, 教大家点样悭钱。作者强调，佢讲嘅悭钱，系希望悭得嚟都可以有生活嘅乐趣，但唔好俾多过应该俾嘅。 (Check you're not frittering away your hard-earned money by paying more than needed on your bills.) - 要检视嘅范畴好多，包括 your mortgage, insurance and electricity accounts are all fair game, as are streaming subscriptions，即系你嘅供楼按揭、保险，甚至串流平台嘅订阅费，呢啲都系合理嘅审视目标。 - 首先，将支出分类，睇吓每个月最大笔嘅支出系乜嘢，以及经常重复出现嘅支出项目 (recurring items) 又系啲乜嘢。 - 分完类之后，可以放低嗰啲必须嘅支出，专注喺discretionary items or duplicates，即可以自由支配或者重复咗嘅项目。如果发现一啲过去一年根本冇用过嘅（例如健身室费用），或者重复咗嘅（例如多个串流平台），就可以作出调整。 - 至于需要保留嘅一啲使费，你亦可以格价 (shop around)。以手机月费为例，如果想转供应商，就最好货比三家 (shop around)，但如果觉得网上查到嘅资料唔系好足够，想了解多啲，作者就建议你用 burner email, 即系临时的电邮信箱去查询。 - 最重要嘅系，如果 you want the biggest bang for your buck，即你想要物超所值，或者享受最高嘅性价比。咁就千祈唔好偷懒！唔一定要一次过完成所有嘢，你可以每个星期，或者一个月，抽出指定嘅15分钟或者半个钟去做。