一架列车可以载你周游列国，仲会带你漫游古典音乐嘅世界？
资深音乐工作者萧树胜主持嘅讲座系列「优美号列车--漫游古典天地」，将会一连十场，介绍不同古典音乐名曲，分析当中嘅节奏、乐器组合及歌词等等，令观众仿如踏上探索古典音乐世界之旅，领略美乐中嘅乐趣。

真实故事最能够打动人心，喺香港耀能协会赛马会田绮玲学校嘅老师指导及协助下，肢体伤残嘅同学们亲自担纲演出改篇自佢哋嘅故事。去年香港学校戏剧节佢哋凭音乐剧<看见>与一般中学比拼，获得杰出舞台效果奖、杰出合作奖，三位同学更获得杰出演员奖。马汉铭主任联同两位得奖同学李逸梵以及区伟坚，将会分享今次演出嘅宝贵体验。