夏妙然 Serina Ha

香港电台数码台主持

2015-11-25

去日本working holiday，大家除咗观光之外，紧系想透过打工去体验生活啦。对于打工嘅种类，大家各有唔同嘅喜好。有啲朋友钟意热闹，会响大城市打工，好似居酒屋， 便利店等。就想远离城市烦嚣嘅朋友，就会去温泉旅馆、农场、牧场之类嘅地方一路打工一路感受大自然。
 
我地之前曾经介绍过日本有个叫做WWOOF嘅组织，系专门协 助一 般人去农场做 义 工，体验有机栽培技巧之余，亦感受一下农场嘅生活。佢嘅运作方式系义工提供短暂劳力，每日帮手工作4～6个钟，农场主人就提 供食宿比义工。喺互相信任、经验交流嘅原则底下，一齐完成有机栽培，过程系完全无金钱交易嘅行为，意思 即系 农场主人系唔 会有 酬劳俾义工嘅。
 
但毕竟日本系一个高消费国家，如果长期纯粹以义工嘅方式工作，就一路都无收入，未必储到足够嘅去下一个目的 地, 如果有啲经济上帮补下旅费咁就最好不过嘞。
 
今次要介绍嘅工作就比较特别嘅，佢地嘅方式系：一半义工 ボ ラン ティア （volunteer）、一半打散工 アルバイト（arbeit），将两者二合为一就称为「ボ ラバイト」 (bo-ra-bai-to)嘞。依个组织有啲似WWOOF，都系以响农场同牧场做义工居多，好多农场响农繁期同住宿设施嘅入住高峰期，短期内都需要大量人手。「ボ ラ バイト」佢地希望建立一个平台，等全国嘅学生、在职人仕等可以体验一下从未 接触 嘅农场工作。 透过一齐 工作互相接触沟通，促进都市人同当地人对相方嘅了解。佢地亦都欢迎working holiday嘅外国人参与。
 
主人除咗会为打工 者准 备住宿同提供 三餐 之外，仲有粮出个喎！不过依个并唔系佢地成立依个组织嘅目的, 所以农场主人比大家嘅酬劳唔会话太高。