李乐诗博士 Dr. Rebecca Lee Lok Sze

极地科学工作者

2016-09-09

不知不觉开左学一个星期喇！唔知道大家适应左返学嘅节奏未呢？

之前就有人影到系开学日嘅时候，有小朋友个书包挂左棵葱，估计应该系佢嘅屋企人取其谐音，希望佢聪明伶俐。

姑勿论，咁样嘅做法有无根据，Jakal王淑仪我就觉得无论以咩形式送小朋友返学都好，能够见证住佢地成长嘅重要里程碑已经系好温馨嘅事。

不过，如果要送红毛猩猩返学，就似乎唔系一件咁值得高兴嘅事。
系婆罗洲就有一间绰号叫「森林学校」嘅保育中心，专门系收容红毛猩猩，教佢地同同类社交，以及系野外生活嘅猩猩本能。

不过，送到去呢间学校嘅红毛猩猩全部都系「孤儿」，佢地嘅妈妈多数都系被盗猎者或者伐林行动害死，所以保育人员先至要将佢地送到学校，教识佢地生存所需嘅技巧。只有猩猩bb学识自己筑巢、搵野食同避开掠食者之后，就会将佢地放返去野外。

其实，自1970年代以来，婆罗洲既红毛猩猩数量已经锐减左三分之二，系今年7月更被「国际自然保护联盟」（The International Union for the Conservation of Nature）列为「极危物种」（Critically Endangered），仅次于最危险嘅级别 —「野外灭绝」（Extinct in the Wild）。

据了解，目前呢d猩猩最大嘅威胁，系为左生产纸张同棕榈油嘅商业化伐林整地，严重咁破坏左佢地所栖息嘅雨林，单单系旧年砍伐同埋焚烧就夷平左260万公顷的原始雨林。所以，「森林学校」嘅保育人员亦都表示，目前最大的问题就系帮学有所成嘅猩猩bb搵能够野放嘅栖息地。

睇到呢到，可能您都会系度谂，远在香港嘅我地，究竟可以点样帮忙保育呢d红毛猩猩呢？

或者，以下落黎呢位嘉宾分享佢系印尼棉兰棕榈树林研究红毛猩猩保育议题嘅故事可以俾大家作为其中一个借镜，即刻交俾李乐诗博士仲有MiuMiu夏妙然，同我地今晚嘅嘉宾沈普仁同学畅谈佢嘅体验！

(照片由被访者提供)