李乐诗博士 Dr. Rebecca Lee Lok Sze

极地科学工作者

2017-07-21

斯里兰卡有好多唔同嘅别名，古时嘅中国叫佢做狮子国，喺英国殖民统治时期就叫做锡兰。除此之外，佢仲有一个相当富有诗意嘅名，就系叫做「印度洋的泪珠」，因为喺地图上睇，斯里兰卡就好似一滴镶嵌喺印度洋上面的泪珠。

不过，要同大家介绍嘅唔系呢粒泪珠，而系「泪珠」旁边嘅「泪痕」。呢一道「泪痕」 系位于印度东南端班本岛与斯里兰卡西北部曼纳岛之间，由一连串断断续续的石灰岩礁石和小沙洲组成，若隐若现蔓延48公里。佢地所在之处嘅海水极浅，深不过十米，唔少沙洲完全露出水面。喺深蓝色嘅海洋背景上，呢一道淡蓝同白色嘅「泪痕」非常突出。

而呢一道「泪痕」，更有可能系世界上最古老嘅桥 - 罗摩桥。根据印度史诗罗摩耶那，罗摩王子为左救俾兰卡魔王掳走嘅爱妻，得到神猴帮助，由猴军用左5日起成罗摩桥，终于能够深入斯里兰卡，同魔王大战，成功救返爱妻。一直以来，罗摩桥都只系存在于传说之中，无人提出过异议，亦无人试图去证明佢嘅真实存在，但自从美国太空总署发布嘅航天影像图清楚显示左上述嘅呢一道「泪痕」之后，就引起唔少人将呢一道「泪痕」同传说之中嘅罗摩桥连系喺一齐。

虽然呢一个联想尚未得到证实，但从呢个讨论嘅过程之中，令到更多朋友认识罗摩桥嘅呢一个传说，以及系印度同斯里兰卡嘅文化。不过，要了解一个地方嘅文化，最直接嘅方法当然系能够亲身去到当地。所以，以下落黎同李乐诗博士仲有MiuMiu夏妙然分享嘅呢位朋友，正正就系去过斯里兰卡，参加国际服务团嘅郭怡欣同学。唔知佢喺当地又有听到一D特别嘅传说呢？

(照片由被访者提供)

呢一道可能系全世界最古老嘅桥 - 罗摩桥