李乐诗博士 Dr. Rebecca Lee Lok Sze

极地科学工作者

2017-05-19

上次同大家分享过芬兰堪称全球首屈一指嘅教育制度，点样令人趋之若鹜；今次就同大家分享下你可能不知芬兰少女热爱嘅活动 － 骑木马跳高
你无听错，系骑木马跳高！骑木马跳高并唔系两个活动，而系同一个活动，顾名思义就系骑住木马跳高，讲紧嘅木马并唔系去主题公园玩嘅旋转木马，而系手携式嘅木马，即系有一个布制马头，附加一枝木棍作支撑，一般理解为系小朋友嘅玩具，但系对于芬兰嘅女孩子黎讲，骑木马唔系游戏，而系一种运动，佢地会花费无数时间练习，希望系骑木马跳高嘅比赛之中展现技术同姿势。

据估计，芬兰有超过1万名钟意骑木马跳高嘅女孩子，其中大多数是年龄介于12至18岁嘅青少年，但要从事呢一项活动，首先要有木马。除左网购之外，芬兰嘅女孩子更加会自己缝纫马头，再安置喺棍上。
有左呢只木马之后，就可以去参加正式嘅比赛。喺比赛嘅时候，参赛者系必须要跳过唔同高度嘅障碍物，有D更加高达1米，就好似骑住真嘅马去跨栏咁样。而佢地嘅步伐同姿势，亦都系评分嘅标准之一，所以系需要大量时间练习。

不过，即使芬兰有上万人热爱呢项活动，但大多数人都会将佢视为秘密，唔话俾其他人知。咁系因为仲有好多北欧国家嘅人将骑木马视为幼稚嘅游戏，以致参与呢项活动嘅人唔敢讲出黎，以免成为被欺凌嘅对象。其实喜好呢样野，本身根本无优劣之分，但好多时候对于陌生嘅事物，我地都会因为唔够认识而妄下判断，所以游学正正是一个好机会，让大家可以认识唔同嘅文化，就好似以下落黎同李乐诗博士& MiuMiu夏妙然分享嘅Ashley陈咏宜同学咁，去完芬兰唔单止更了解当地文化，仲对自己作息安排都有新嘅谂法！即刻听下佢嘅分享丫！