《第四十六集》黄贵有先生(小童群益会 副总干事)

今集嘉宾　黄贵有先生

政府近年强调「与青年同行」，希望了解青年人嘅声音，从而对症下药，纾缓青年问题同社会嘅深层次矛盾。政府近年先后成立「青年事务委员会」同推行「青年自荐计划」，透过喺行政架构中吸纳青年意见同订立全面嘅政策方针，改善青年人喺学业、事业、置业三方面嘅困难，并鼓励青年议政、论政同参政。

但到底政府嘅青年政策系咪成功呢？近年，香港先后经历占领中环同反对逃犯条例修订风波，而年轻人都系两次事件中嘅主要参与者。当中诉求都非常清晰，就系要求落实普选、追究制度暴力等深层次政治制度问题，而唔系政府眼中嘅买唔到楼、人工低、职业出路少嘅各类经济问题。尤其系反对逃犯修订风波之中，有大量抗争者系中学生，政府提出嘅青年政策，好似改善青年就业、协助置业等措施对中学生嚟讲并唔系佢哋嘅贴身利益。可见现行嘅青年政策系捉错用神，脱离咗政策目标同对象嘅需要，未能有效解决青年问题。

点解政府嘅青年政策会严重脱离民意呢？咁又代唔代表现时嘅政策系失败？重要嘅系，喺今日嘅政治僵局下，官民之间欠缺信任，而政府亦唔愿意面对改革政治制度嘅必要，香港嘅青年政策可以点样行落去呢？而下星期出炉嘅财政预算案会有咩空间可以协助舒缓贴近青年生活嘅问题呢？

今日嘅嘉宾从事儿童及青年事务多年 ，佢嘅经验可以点样为香港嘅青年政策指点迷津？今集政坛新秀训练班，请嚟小童群益会副总干事 黄贵有，同各位倾倾。