简介
主持人：李秋婷
艺术、文化，蕴藏令生活更丰盛更美好的力量。逢星期六晚出版，一本听得到的艺文杂志，带来不同专题、人物访问以及最新的艺文资讯。
#香港电台文教组
#艺文一格 culture.rthk.hk
最新
#306 刹那永恒： 地景艺术摄影 (上) / 无限亮2025《风与键之旅》/ 艺闻全世界：朱铭美术馆「此地－他方：八种时空转渡之术」/ 艺在无穷：韩国残障艺术家的故事
透过艺术推广共融理念的「无限亮」 ，除咗引介海外艺术家，亦提供机会俾本地演艺人才喺舞台发光发亮，新晋钢琴家邓卓谦Anson 就系其中一个例子。Anson 自小需要靠轮椅代步，但身体障碍，无阻佢追寻自己嘅兴趣，佢6岁开始研习钢琴，后来佢更加获得奖学金，到英国皇家音乐学院学习。到底佢系点样一步步，走上无限亮嘅舞台 ？今次Anson 更加首次同长笛音乐家露芙・蒙哥马利携手演出，带嚟《风与键之旅》音乐会。佢哋嘅合作又有咩小故事？
摄影留住最美一刻，而地景艺术亦依靠摄影等等嘅媒介将艺术家嘅创作过程、作品形态及变化等记录落嚟。地景艺术（或叫做大地艺术）系一种六、七十年代喺美国发起嘅艺术运动，佢系一种艺术家喺自然环境中创作嘅方式。「刹那永恒系列」 摄影师何柏基Collin 会介绍3位地景艺术大师，亦讲到摄影同地景艺术嘅微妙关系。
预告
#307 刹那永恒： 地景艺术摄影 (下) / 塞尚和雷诺阿的世界──法国橘园美术馆及奥赛博物馆珍藏展 / 艺闻全世界：佳士得AI艺术拍卖风波 / 吉澳水陆音乐会
大家有无试过喺自然环境中将石仔叠高，再影相打咭呢？原来叠石Rock Balancing 系地景艺术嘅一种，而摄影系其中一种记录嘅方法。摄影师何柏基 Collin 曾经有一段时间迷上呢种创作方式，留低唔少作品。喺「刹那永恒系列」，佢会分享创作经验，亦会讲到点样将呢种艺术带入社区。
印象派系其中一个受欢迎嘅西方艺术流派，但你知唔知点解佢咁得人欢心？唔知「塞尚和雷诺阿的世界──法国橘园美术馆及奥赛博物馆珍藏展」会唔会搵到答案呢？ 今次亚洲巡展香港有幸成为首站，大家可以一睹印象派大师塞尚、雷诺阿嘅作品，香港艺术馆二级助理馆长 (国际项目) 范庭锋Wilson提到过去甚少以呢个组合策展，而今次展览仲有几个香港站嘅独特亮点。
有兴趣嘅艺文发烧友，记住唔好错过喇！
