主持人：李秋婷
艺术、文化，蕴藏令生活更丰盛更美好的力量。逢星期六晚出版，一本听得到的艺文杂志，带来不同专题、人物访问以及最新的艺文资讯。
#香港电台文教组
展览《稀释成透明》嘅展品系办公室嘅枱枱櫈櫈以及不同设备？背后想表达嘅系乜嘢呢？艺术家许方华 Phoebe会慢慢话你知。
莎士比亚嘅晚期作品《冬天物语》比较少喺香港公演，爱丽丝剧场实验室嘅艺术总监陈恒辉话今次演员阵容系全女班，原因同佢嘅成长经验有关？
文物背后嘅故事往往最吸引。古物古迹办事处文物保育组教育及宣传小组二级助理馆长胡文立 SAM话，二千年前汉朝嘅人已经识「代购」，想知多啲？咁就要听佢讲呢个喺展览《汉风泱泱：雄浑与交融的盛世》嘅文物「元致子方帛书」嘅故事喇。
当代艺术家李昢创作媒材丰富多样，佢嘅系列《我的宏大敍事》系佢喺M+嘅大型回顾展《李昢：一九九八年至今的创作》嘅重点展品之一，M+视觉艺术助理策展人林颂恩Dorothea 分享呢件作品《我的宏大敍事：泣泪沾石…. 》嘅创作故事。
星期六晚9至10，香港电台第二台，跟住我李秋婷，一齐打开艺文谷呢本听得嘅艺术文化杂志吖！
