简介
主持人：李秋婷
艺术、文化，蕴藏令生活更丰盛更美好的力量。逢星期六晚出版，一本听得到的艺文杂志，带来不同专题、人物访问以及最新的艺文资讯。
#香港电台文教组
#艺文一格 rthk.hk/artitude
最新
#260 「一山烟雨」展览 /「圆明园 - 清代皇家园居文化」展览 / 艺闻全世界 ： 前田悠佑 - 艺在无穷：大英博物馆 非洲馆 / 理大中华文化节
常言道：人生有几个十年。十年对一个人嚟讲，有咩意义？画家兼网媒记者黄晓枫Apple希望透过最新个展《一山烟雨》，同十年前第一次举办个展嘅自己，作出少少对照及回应。今次嘅作品全部都系新作，当中有部份同十年前佢做过嘅一件事有关，到底系咩事？今次展览嘅名称、点题作品又同嗰件事有咩关连呢？
讲到清代皇家园林圆明园，大家一定会谂起十二兽首，甚至嗰段惨痛嘅历史，但除此之外，仲有乜嘢鲜为人知嘅故事？香港故宫文化博物馆馆长吴志华博士透露「圆明园 - 清代皇家园居文化」展览，有别于以往喺香港举办圆明园相关嘅展览，会较为全面而完整呈现圆明园嘅人与事。到底出入圆明园最常用嘅交通工具系乜嘢？乾隆皇点样过节庆？今日再睇呢啲同我哋相距甚远嘅人与事，又有乜嘢得着或反思？
有兴趣嘅朋友，记得准时收听节目喇！
预告
#261 书籍【文化城巿之路】 / 邓树荣戏剧工作室主办 《香港国际莎剧节》/ 艺闻全世界：荷兰街头艺术家 - 弗兰基 / 艺在无穷：瑞士巴塞尔 / 第三十一届法国五月艺术节
香港曾经被认为系文化沙漠，时至今日已经蜕变为文化城巿。资深艺术管理人员茹国烈Louis喺最新著作《文化城市之路》，从佢喺三个主要艺术机构嘅工作，包括：香港艺术中心、香港艺术发展局以及西九文化区管理局，记录呢座城市，点样喺过去几十年，踏上文化城市之路。边一个经历对Louis嚟讲系最重要及最珍贵？
西方文学巨擘William Shakespeare莎士比亚，系英国文学史上最重要嘅剧作家及诗人。到底莎翁嘅作品有乜嘢魅力，以致数百年后嘅今日仍然不断被搬演舞台、银幕？资深剧场导演及戏剧教育家邓树荣，一直醉心钻研莎翁嘅作品，早前更策动「香港国际莎剧节」，与外地艺团以不一样嘅合作模式，擦出新火花。想知道整个莎剧节嘅亮点，以及邓树荣最想演嘅莎翁作品系边个？记得准时收听节目喇!
