主持人:李秋婷
艺术、文化,蕴藏令生活更丰盛更美好的力量。逢星期六晚出版,一本听得到的艺文杂志,带来不同专题、人物访问以及最新的艺文资讯。
#香港电台文教组
#艺文一格 rthk.hk/artitude
艺术打开无限可能,甚至能够令到8岁仍然唔识写字、认颜色,以及唔识1到10嘅李子舜,变成一个画画获奖、识写好多中文字及有自信嘅年轻人。邱焱带嚟嘅「共融艺术系列:艺想大世界」,邀请到子舜妈妈伍慧妍分享仔仔学画画嘅奇妙经历,亦会介绍艺无疆2024:新晋展能艺术家视觉艺术比赛得奖作品《四餸一汤 》嘅有趣故事。
巴黎圣母院于1991年被联合国教科文组织列入《世界遗产名录》,系2019年受到无情大火破坏嘅消息震憾全球。今年法国五月其中一个活动,由香港城市大学文化荟与及香港法国文化协会联合策动嘅多媒体展览「巴黎圣母院:重建•重见」,会点样展示呢座文化遗产嘅历史、建筑特色,以及修复过程?文化荟处长卓燕会详细话你知。
主持人:李秋婷
传统艺术有赖不断创新而得以承传。今集介绍南音故事剧场《渔生请你指教》 ,担纲指导及演出嘅戏曲泰斗阮兆辉 (辉哥),音乐总监伍卓贤,导演兼演员曾慕雪,分享如何将传统南音放入剧场,道出香港水上人家嘅故事。
建筑诉说着一个地方嘅历史、气候、环境,甚至更多。从粤港考古出土嘅新石器时代嘅部份建筑遗存可以见到,岭南地区与中国南方其他地区嘅传统建筑有共同嘅源头。节目请来发展局文物保育专员蒋志豪、总文物主任 (古物古迹) 萧丽娟,介绍「同一屋檐下:岭南传统建筑源流与艺术」展览嘅策展过程,亦会重点讲到最触目嘅国家一级文物,喺宣统元年(1909年)制作嘅「番禺神楼」。
有兴趣嘅朋友记住留意喇!