主持人:李秋婷
艺术、文化,蕴藏令生活更丰盛更美好的力量。逢星期六晚出版,一本听得到的艺文杂志,带来不同专题、人物访问以及最新的艺文资讯。
#香港电台文教组
#艺文一格 rthk.hk/artitude
香港曾经被认为系文化沙漠,时至今日已经蜕变为文化城巿。资深艺术管理人员茹国烈Louis喺最新著作《文化城市之路》,从佢喺三个主要艺术机构嘅工作,包括:香港艺术中心、香港艺术发展局以及西九文化区管理局,记录呢座城市,点样喺过去几十年,踏上文化城市之路。边一个经历对Louis嚟讲系最重要及最珍贵?
西方文学巨擘William Shakespeare莎士比亚,系英国文学史上最重要嘅剧作家及诗人。到底莎翁嘅作品有乜嘢魅力,以致数百年后嘅今日仍然不断被搬演舞台、银幕?资深剧场导演及戏剧教育家邓树荣,一直醉心钻研莎翁嘅作品,早前更策动「香港国际莎剧节」,与外地艺团以不一样嘅合作模式,擦出新火花。想知道整个莎剧节嘅亮点,以及邓树荣最想演嘅莎翁作品系边个?记得准时收听节目喇!
主持人:李秋婷
各位艺文好友都讲紧艺术三月爆忙,其实艺术家们都一样,其中霓虹灯艺术家陈家伦Karen就为佢第二次喺巴塞尔艺术展香港展会Art Basel Hong Kong嘅展出而努力不懈。当初Karen 点解会被霓虹灯吸引,而为咗学习个中知识及技术,佢去到几尽?今次展览佢嘅作品点样展现「香港精神」呢?
大家听到故宫,好自然会谂起中国文物,而今次嘅 「从波提切利到梵高:英国国家美术馆珍藏展」 ,展出英国国家美术馆52幅绘画艺术珍藏。究竟香港故宫文化博物馆嘅定位系点,而喺展览里面观众会有乜嘢得着呢?香港故宫文化博物馆副研究员杨悦庭博士会话你知。