李乐诗博士 Dr. Rebecca Lee Lok Sze

极地科学工作者

2016-08-05

「游学听我讲」今集与李乐诗博士及夏妙然分享游学体验的朋友是Jamie梁恺妍同学。曾到塔克拉马干沙漠游学的她，分享了以下见闻：

有「死亡之海」之称既塔克拉玛干沙漠系全球第二大既流动性沙漠。系沙漠嘅时候，我地都系全靠沙漠公路，先可以穿越成个沙漠。而为咗保护呢条公路唔好俾沙掩盖，系路嘅两旁都种咗防护林。

系入沙漠之前我地买左只羊带入沙漠食,见到只羊俾人「劏」果下,个心真系好唔舒服,佢死得好惨丫!!! 不过「物兢天择,适者生存」，对只羊最好既回报就系感恩同物尽其用。唔好浪费任何一部分!

除左肉，唔少得仲有食西瓜消暑。食剩啲西瓜皮都好有用架! 将佢反转放系地下，就可以保存到西瓜啲水份。小动物甚至缺水嘅人经过都可以补充水份，分分钟可以救人一命!

系沙漠总共停留三日，当中少不了一些生理需要。沙漠根本无人居住， 所以唔洗奢望会搵到厕所，亦根本无可能有固定嘅厕所。但系，人始终系有生理需要，迫于无奈之下，我地需要「野外大解放」。

做法好简单，就系系沙上面掘两个洞，男女各一个。解决完就以隔离嘅沙子覆盖。由于沙漠天气乾燥，所以厕坑基本上系无臭味，而排泄物嘅水分都会好快蒸发，再一次回归大自然。

(照片由被访者提供)

Jamie与队友在塔克拉玛干沙漠合影