李乐诗博士 Dr. Rebecca Lee Lok Sze

极地科学工作者

2017-07-14

讲到炸鸡排、珍珠奶茶、蚵仔煎、卤肉饭，相信大家都应该估到要介绍嘅系台湾。

上述提到嘅都系台湾夜市常见嘅经典美食，夜市更系唔少游客去台湾必到嘅景点之一。有见及此，台北市政府举办左「2017台北夜市打牙祭」活动，选出经典嘅30道夜市美食，并且邀请民众推荐唔喺名单之中嘅美食遗珠，如果推荐嘅美食获得热烈讨论，仲有机会纳入夜市十大美食嘅票选名单之中。

呢一个打牙祭总共有8个夜市参与，包括宁夏夜市、双城街夜市、辽宁街夜市、延三夜市、华西街夜市、梧州街夜市、临江夜市，同埋广州街夜市。喺下星期五，7月21日就会正式登场，活动期间更适逢系台北世大运，除了观赏精彩赛事外，还可以到各大夜市大快朵颐。

如果俾你拣嘅话，你又会拣边种台湾美食作为逛夜市嘅必食之选呢？有咁多好野食真系有D难拣…… 唔知以下落黎去过台北游学嘅呢一位嘉宾，佢喺当地最难忘嘅体验又喺咪同食有关嘅呢？即刻将时间交俾李乐诗博士仲有MiuMiu夏妙然同蔡培峰倾下佢喺台北野柳嘅体验。