李乐诗博士 Dr. Rebecca Lee Lok Sze

极地科学工作者

2017-07-28

上次提过斯里兰卡喺英国殖民统治期间叫做锡兰。而讲起锡兰，好自然就会谂起红茶，因为茶的确系斯里兰卡最重要嘅出口产业，而斯里兰卡亦系世界四大产茶国之一。

但系喺19世纪中前期，斯里兰卡都未有产茶，系去到1867年，有一位苏格兰人James Taylor去到当时仲系叫锡兰嘅斯里兰卡个度「掘金」，而撞啱佢负责开垦嘅咖啡园受到疫症侵袭而无法维持，所以咖啡园主就将茶种交俾佢开荒试种，结果喺20亩地内开始茁壮成长，展开左今日斯里兰卡茶嘅兴盛，而James Taylor更被后人称为锡兰茶之父。

时至今日，斯里兰卡每年大约生产25万吨茶叶，但系茶嘅种植基地只限于岛国嘅中央高地同南部低地。而锡兰茶嘅其中一种主要分法，就系按种植地嘅海拔作区分，当中分成三类：包括高山茶、中海拔茶、低海拔茶。一般黎讲，产区嘅海拔越高，红茶的茶色就会越淡泊，香气亦会越醇，所以以地区划分嘅红茶，一般都系以高山茶属于顶级茶叶。而为左保护锡兰红茶的金漆招牌，斯里兰卡政府仲统一颁发左锡兰茶质量标志，等大家可以以资识别。

咁去到斯里兰卡游学除左锡兰茶值得一试之外，仲可以有D咩特别嘅游学体验呢？即刻听下去过斯里兰卡参加国际服务团嘅郭怡欣同学，同李乐诗博士，仲有MiuMiu夏妙然分享佢同当地人相处嘅体会。

(照片由被访者提供)

只有百分百喺斯里兰斯卡生产嘅茶先可以称为锡兰茶