香港理工大学酒店及旅游业管理学院助理教授梁尧忠——政府与业界需合力解决根本性问题 以应对周边地区竞争、吸引游客
亲爱的麦乐文教授：
不知不觉你已经离开我们学院大约四年，不知你在澳洲的退休生活如何呢？不知你是否还跟以往一样，每天都埋头苦干地想办法怎样可以帮到旅游业有更长远更健康的发展呢？
告诉你一个好消息！香港–一个你居住超过20年的地方，一个你认定为第二个家的地方 - 终于在今年二月将已经关闭了差不多三年的关口重新打开。香港旅游业终于都捱过了历史上其中一个最漫长的寒冬，再次向内地和国际游客说声「欢迎来到香港」！
此刻，我相信你和很多曾经来过香港的游客的心情都一样，急不及待去订机票和酒店，再次来香港感受一下这个亚洲国际都会的活力和品尝香港最出名的美食。
但与此同时，我相信你和我心里都有两个疑问：究竟以往香港吸引到众多旅客访港的优势还存在吗？ (2) 系过去呢三年, 香港有无装备好好自己以及俾出足够的诱因吸引旅客再次黎临香港呢
仲记唔记得几年前٬ 我地讨论过 “香港系购物天堂呢个刻板印象系一把双刃剑” 呢个课题◦ 系一个疫情前我地做的调查入面, 好多访港旅客特别系中国游客都同我地讲 - 购物天堂系佢地对香港最深嘅印象◦ 虽说香港政府有尝试推广绿色旅游٬ 生态旅游٬ 务求将香港嘅目的地形象多元化◦
但系始终受惠于零关税以及零消费税, 再加上唔驶拿签证以及交通上的便利, 香港系购物天堂呢个刻板印象的确系可以吸引好多高消费力同高购买力的中国游客来港旅游◦ 但系随住呢几年网上购物愈来愈普及, 再加上香港嘅一些竞争对手例如海南, 澳门同新加坡都推出类似嘅购物优惠措施, 香港系购物天堂呢个优势就变得荡然无存◦
当然我理解, 政府不可能系一时三刻就可以改变到游客对香港嘅印象◦ 但最起码我觉得政府同商家应该努力去维持 - 香港仍然系购物天堂嘅呢个招牌◦ 最近我睇一个关于曼谷嘅旅游节目, 主持话当地好多商场都改建成多元化嘅大型购物中心◦ 系个 d 改建嘅购物中心入面, 佢既有国际知名品牌嘅高级商圈, 亦都划分一部份区域作为开放式市集俾唔同嘅本土品牌以及小店售卖有特色商品◦ 反观香港, 虽然我地有好多商场, 但系入面嘅商铺来来去去都系个几个品牌◦ 某程度上游客只要去一个完商场就唔须要去第二个, 因为第一个同第二个可以搵到的商铺几乎系一模一样◦
其实香港自身都有好多好出色的手工业人才◦ 当然好多人会话佢地制作嘅产品名气上不及一些国际牌子, 但系佢地产品独有嘅本土特色亦都唔系批量生产的公司嘅产品可以媲美◦ 如果政府或者商家可以为呢 D 具本土特色嘅小店提供租金优惠, 容许佢地可以进驻人流高嘅商场, 咁样做不单只可以将商场店铺嘅种类变得更多元化, 更加可以令游客来港的购物体验变得不再 “单一化”◦
除左优化购物设施外, 我相信你都同意政府应该要积极同本地团体合作发展文化深度游◦ 唔知你仲记唔记得系离开香港, 移居澳洲之前٬ 我地一齐参加过一个名为”神只之旅”的本地团◦ 个个团的导游带左我地去左参观文武庙, 观音庙, 北帝庙, 天后庙等等◦ 如果唔系参加过个次本地团, 我呢个香港仔同好多访港旅客一样都唔知道每间庙同每个神只背后的故事◦ 如果唔系参加过个次本地团, 我地都唔知每间庙有独特嘅参拜方式同礼仪◦
其实香港好多区都仲保留一 D 历史痕迹, 好多地方都可以为深度游提供素材◦ 例如好多人都系香港电影睇到去茶楼饮饮茶嘅场景, 但系究竟点解我地帮人倒茶时要敲台? 好多游客都知香港有好多离岛, 但系点解长洲叫长洲? 坪洲叫坪洲? 呢 D 咁有本土文化特色同有趣嘅事不单可以俾未黎过香港的旅客知道香港不只是只系购物的地方◦ 发展文化深度游亦都可以俾曾经黎过香港的旅客另一个佢地再黎香港嘅诱因◦ 当然政府除左推出鼓励计划以及提供财政援助, 相关旅游的部门亦都要积极统筹同推广本地旅行社甚至地区团体推出的本地团, 例如旅游发展局可以安排一 D知名歌星或者演员参加地区团体推出的本地团, 透过佢地嘅社交网络俾更多外国人知道有关嘅香港特色故事◦
另外, 虽然我知咁样讲有一部份人唔会钟意, 但系香港自身的而且确未必有足够嘅诱因鼓励游客逗留一段长时间◦ 系疫情期间, 虽然我地兴建同翻新左好多旅游设施 (例如山顶缆车, 香港故宫博物馆), 但始终香港因为地少, 唔可以好似其他著名目的地咁可以提供多元化嘅景点◦ 为左弥补呢一点, 香港政府应该积极同其他大湾区城市发展 “多站式旅游”◦ 透过自身系航空同铁路交通上嘅优势, 香港应该积极争取成为大湾区旅游的交通枢纽◦ 无论旅客系以澳门, 中山, 广州或者其他大湾区城市作为目的地, 香港都可以因为扮演中途站嘅角色而受惠◦
最近我受到一间本地电台嘅邀请, 分享一下香港的旅游业系同内地通关后可否好快回复返去疫情前的水平◦ 虽然我个人好想呢件事会发生, 但系作为一个研究旅游呢个课题好多年的学者, 我相信你同我都知道 – 好多游客的旅游模式已经改变, 好多邻近周边地区已经系疫情期间大力改善佢地的旅游设施◦ 如果香港想要维持佢系游客心中的吸引力٬ 政府同旅游业一定要同心协力去解决一些根本性问题◦ 唔知你又会点答呢条呢? 希望你会回呢一封信并分享一下你嘅谂法俾我知!
学生 梁尧忠
敬上
2023年2月11日
【声音完全版】
香港电台第一台FM92.6 - 94.4星期六早上九点至九点二十分
主持：张凤萍
编导：张凤萍
监制：林嘉瑜
学者、议员、官员及社会人士透过书信形式，分析社会现象，细诉个人感受。
